35 / 156
35
Peđar fárre Kárášjohkii
Peđar čohkká lanjastis. Son čohkká ja
smiehttá ahte dán lanja son ferte guođđit.
Dán lanja gos heaŋgájit Manchester Uni
ted govat ja man uvssa son máŋgii lea
čievččastan gitta go áhčči lea hoavrres
tišgoahtán. Heaika ja Áile boahtiba sisa...
Heaika:
Mii dus lea Peđar?
Peđar:
Na......
Heaika:
Lea go dus váivi?
Peđar:
Várra....
Heaika:
Manne nu?
Áile:
Mii lea geavvan? Lea go dus váivi?
Peđar:
Na. Ferten fárret.
Áile:
Fárret? Gosa?
Peđar:
Kárášjohkii.
Heaika:
Mo nu ges?
Peđar:
Na, eatni bargu lea dohko fárre
min. Ja go áhčči bargá Sámedikkis, de
heive fárret Kárášjohkii.
Áile:
Muhto, háliidat go fárret
Kárášjohkii?
Peđar:
In de hálit! Soai eaba jeara mus
maid mun háliidan!
Heaika:
Kárášjogas lea máilmmi fiinna
vuojadanhálla!
Áile:
Ja doppe lea maid čierastanluohkká!
Peđar:
Muhto doppe eai leat mu skihpá
rat!
Heaika:
It go jáhke mii boahtit dohko
galledit?
Áile:
Ii han bussiin ádján go moadde
diimmu Kárášjohkii.
Heaika:
Ja don sáhtát maid deike boahtit
muhtumin.
Peđar.
Na. Lean gal dan jurddašan. Muh
to in hálit liikká fárret. Go in dovdda in
ovttage doppe.
Áile:
Mus lea doppe vilbealli. Ja son lea
seammá boaris go mii.
Peđar:
Láve go son čuoigat?
Áile:
Láve go čuoigat? Don han dovddat
su! Kenneth gii finai dáppe juovllaid áig
ge. Son searvvai daidda ILAR-doaluide.
Peđar:
Duot čuvgesvuovttat gánda?
Áile:
Diet fal.
Heaika:
Mun maid muittán su. Son orui
leamen šiega.
Áile:
Son lea šiega. Dus lea measta
skihpár Kárášjogas juo!