Mii dáppe 1

153 / 156

153
Oslo
Sturrodat 454 km2
Alimus várri Kjerkeberget 631 mbá
Guhkimus johka Akerselva
Stuorámus jávri Maridalsvannet
Stuorámus suolu Malmøya
Olmmošlohku (2014) 634 500
Eanaš gávpotássit ásset vuona lahko­
siin. Davábealde gávpotguovddáža
lea dovddus mátkeguovlu Nordmar­
ka, gos leat dušše moadde ássi. Gávpot­
oasit ožžo nama dan mielde makkár
industriija doppe lei. Sagene oaččui
namas das go doppe ledje ollu sahá­
rusttegat. Odne leat Oslos eanemusat
kantuvrrat ja gávppit. Earret eará leat
ollu stuorra industriijafitnodagain kan­
tuvrrat Oslos. Norgga stuorámus uni­
versitehta ja allaskuvla lea dáppe.
Máŋggakultuvrralaš gávpot
Mii dadjat Oslo lea Norgga stuorá­
mus máŋggakultuvrralaš gávpot. Ollu
olgoriikkalaččat leat deike fárren, ja
sii orrot dávjá sierra guovlluin gávpo­
gis. Go dáid osiin váccašat, de meas­
taoaččut dakkár dovddu don leat eará
sajis máilmmis go Oslos. Guovttis
logi olbmos Oslos bohtet eará riikkas
go Norggas. Oslos orrot maiddái ollu
sápmelaččat ja dan sivas máŋgii dad­
djoahte Oslo lea sámi stuorámus bái­
ki. Dáppe lea sámemánáidgárdi, ja lea
maiddái sámegieloahpahus skuvllas.
viidodaga areála
industriija buvttadeapmi
gávppit buvddat, rámbuvrrat