Maid mánnán oahpat, boarisin máhtát lea oahpponeavvu mánáidgárdái. Dat gokčá mánáidgárdde rámmaplána fágaguovlluid; Lagasbiras ja servodat ja Rumaš, lihkadeapmi ja dearvvašvuohta.

 

Olles oahpponeavvu lea neahtas. Dat mearkkaša ahte mánáidgárddis berrejit leat neahttafiellut, interaktiiva távval, dihtor, čálán ja áinnas laminerenmašiidna jos das galgá ollásit atnit ávkki. Jitnositlohkan lea dábálaš doaibma mánáidgárddis ja sáhttá leat mánáide láidesteaddjin lohkamii ja beroštišgoahtit girjjálašvuođas. Mii láhčit dás vejolašvuođa govvagirjjiid gaskkustit mánáide stuorra šearpma bokte. Dán láhkai mánát ovttas earáiguin ohppet doahpagiid. Nu oktasašvuođa dovdu ja ságastallan nannejuvvo,  ja lohkan šaddá sosiála doaibman.

 

Dáppe gávdnabehtet pedagogalaš bagadusaid, e-girjjiid, illustrerejuvvon muitalusaid, máidnasiid, fotogovaid, stoagusvuorkká, beavdespealuid ja kaleandara. Visot dáidda leat evttohusat dasa mo daid sáhttá geavahit mánáidgárddis, ovdánahttit mánáid giela ja áddejumi.

 

Neahttasiidu lea maiddái heivehuvvon neahttafielluide ja mobiltelefuvnnaide.

 

Mii doaivut oahpponeavvu šaddá ávkin ja miellagiddevažžan bargiide ja mánáide sámi mánáidgárddiin.

 

 

© 2016 ČálliidLágádus