ČálliidLágádusa birra CL-Sámi academica Girjjálašvuođaguovddáš Oktavuohta

LOAKTIN-ovttas bagadanboddu

 

Luonddunamahusat girji ilbman

 

Sterk historie fra virkeligheten

 


Boaris dego eana
Ođđa girji lágádusa Sámi academica ráiddus. Ilbmá skábmamánus 2009

Rauna Kuokkanen:
Boaris dego eana
Eamiálbmogiid diehtu, filosofiijat ja dutkan

Rauna Kuokkanen girji lea vuosttas same-gielat láidehus eamiálbmotdutkamuššii ja dieđu, dutkama ja oahpahusa dekoloniseremii. Girji čilge dáid vuođđodoahpagiid ja

- fáttáid ja ovdamearkkaid bokte buktá ovdan makkár áššit leat guovddážis go lea sáhka eamiálbmogiid dieđus, diehtoortnegiin, filosofiijain ja eamiálbmogiid dutkanmetodolo-giijain. Girji čilge maiddái eamiálbmotdutka-ma konteavstta ja historjjá – manne eamiálbmotdutkit leat atnán dárbbašlažžan buktit oidnosii ja deattuhit eamiálbmogiid dieđu, jurddašeami ja dutkanvugiid dehálašvuođa. Girjji ovdamearkkat leat iešguđet eamiálbmogiin, muhto seammás girji guorahallá mo dáid ovdamearkkaid sáhttá vejolaččat heivehit sámi diliide dahje váldit málle dain.

CL-Sámi academica

lea sierra ráidu sámi ja álgoálbmot dutkamis, maid fágaolbmot leat ovddalgihtii guora-hallan ja árvvoštallan. Doaimmaheaddji lea Harald Gaski.

Sisdoallu:
Láidehus

  • Guovttijuogut, dekoloniseren ja eamiálbmogiid perspektiivvat dutkamis ja oahpahusas
  • Eámiálbmogiid diehtoortnegat, árbevirolaš diehtu ja daid gáhtten
  • Eamiálbmotfilosofiija
  • Modernismma ja modernitehta kritihkka
  • Eamiálbmotdieđa ja eamiálbmogiid metodologiijat

Rauna Kuokkanen lea stáhtadiehtaga ja eamiálbmotoahpuid veahkkeprofessor Toronto Universitehtas Kanadas. Son lea eret Ohcejogas.

ISBN 978-82-92044-70-4.
255 s.
NOK 250,-.
Giella: davvisámi.
English Summary



Ođasmahttán 29.10.2009
Almmuhan: Mihkku Solbakk