Ođđa sámi-poehta riegádan

Viimmat ođđa sámi diktačálli ja poehta riegádan, rábmui girjjálašvuođa professor ja dutki Harald Gaski, Helga West dikta girjji almmuheamis.
 
- Dá lea min ođđa sámi poehta rábmui girjjálašvuođa professor ja dutki Harald Gaski  Helga West dikta girjjialmmuheamis Kárášjogas.
 
Diktagirji Gádden muohttaga vielgadin lea Helga West vuosttas diktagirji maid ČálliidLágádus almmuhii duorastaga 19.04.18 girjjálašvuođaguovddážis Kárášjogas.

Diktagirjji čálli dovddahii gealdagasa ovdal almmuheami. Muhto ballu jávkkihii jođánit eret debutánttas maŋŋá go Harald Gaski gažadišgođii su diktačállima birra.

Maiddái rámiidii girjjálašvuođadiehtti Gaski erenoamážit debutántta duostilvuođa diktačállimis.

Almmuheami oktavuođas lágidii girjjálašvuođaguovddáš ovttas ČálliidLágádusan miniseminára diktačállima birra.

Dikta girjji lea vuovdimassii Girjjálašvuođa girjegávppis, dahje girjji maid sáhttá diŋgot ČálliidLágádusa neahttagávppis.

 
Girjjálašvuođa professor Harald Gaski muitalii sámi diktačállimii duogáža birra ja jearai: Manne mii čállit divtta?
 
 
Harald Gaski muitalii diktačállima duogáža birra, minisemináras mii lágiduvvui girje- almmuheami oktavuođas.
 
 
Beakkán govvadáiddár Synnøve Persen muitalii fas govvadáidaga ja divttaid fuolkevuođa birra.
 
 
Govvadáiddár Synnøve Persen muitalii govvadáidaga ja divttaid fuolkevuođa birra. Govven: Liv Tone Boine
 
 
Girjádáhpáhusas maiddái  rohttehii Golbma Buolvva Anne Lise Varsi soames luđiid dovddus Alit várri CD:s
 
Mini konsearta: Golbma Buolvva Anne Lise Varsi rohttehii soames luđiid dovddus Alit várri CD:s. Čuojaheaddji lei Amund Johnskareng. Govven: Liv Tone Boine
 



Helga West lei hirbmat duhtavaš girjje almmuhemiin. Govas oainnat debutántta signeremin diktagirjjistis.

Čállán ja govven: Amund Johnskareng


Ođasmahttán 23.04.2018
Almmuhan: Mihkku Solbakk