Jávkamin mearrasámi kultuvra šattai girjin
ČálliidLágádus almmuha girjji Olmmáivákkis bearjadaga 15.10.13

Eretfárren, goarráneapmi ja savvon bálgát. Čábbodat, oktovuohta ja illu.
Erohusat leat ollu Gjert ja Ludvig Rognli dokumentáragirji , Várit leat seammát - Jávkamin mearrasámi kultuvrra govat. Girji lea sámegillii ja dárogillii, ja almmuhuvvo Davvi Álbmogiid Guovddážis Olmmáivákkis skápmamánu 15.b. dii.15.00.

Váikke girjji govvideaddji ja čálli, Várit leat seammát - Jávkamin mearrasámi kultuvrra govat, muitaleaba ahkidis muitalusa, de gudnejahttiba maid buolvvaid rahčamušaid.
 
Muhton jagiid dassái álggii multimediadáiddár Gjert Rognli, Olmmáivákkis Davvi-Tromssas eret, dokumenteret davviguovlluid otná ja vássán áiggi. Dás vulggii jurdda  ráhkadit girjji. Son oaččui vieljas Ludvig mielde čállit teavstta girjái. Sus ge lea ealli beroštupmi sámi gažaldagaide ja guovllu politihkkii.

Fáddá ii leat čuvgejuvvon ovdal dán láhkai. Girjjis geahččaleaba analyseret mearrasámi rievdama servodaga govaiguin ja teavsttain. Rievdama boađusin lea maid dat ahte juoga jávká, hilgojuvvo ja goarrána. Nu leaba maiddái čujuhan mo politihkalaš mearrádusat olggobealde mearrasápmelaččaid servodaga leat váikkuhan guvlui. Várit leat seammát girji gusto oppa Davvi-Norgga rittu ássiide. Eatnat govaiguin lea girji šaddan álkkes-lohkangirjin sámegillii ja dárogillii.

 

Ludvig ja Gjert Rognli oasálastiba girjealmmuheamis

Lágádusas lea maid oahpponeavvo- ja girječájáhus.



Almmuhan: 31.10.2013
Almmuhan: Mihkku Solbakk