ČálliidLágádusa birra CL-Sámi academica Girjjálašvuođaguovddáš Oktavuohta

MO MÁNÁ RÁHKADIT?
 

Searvva mobbenstadanbargguide!
LOAKTIN-ovttas bagadanboddu

 

Erenoamáš girjealmmuheapmi Deanus
 


ČálliidLágádus almmuhii girjjiid máttasámis

VUOSTTAS: Vuosttas áigečála máttasámegillii almmuhuvvui Máttasámi Ankaredes Ruoŧas. Govas: (gurut) Tromssa universitehta girjjálašvuođadiehtti Harald Gaski, máttasámi áigečállaga sierra-doaimmaheaddji Lena Kappfjell, lágádusjođiheaddji John T. Solbakk ja máttasámi girjebusseovddasteaddji John Kappfjell.
 
ČálliidLágádus álmmuhii vuosttas máttasámi áigečállaga Saemeste saaman (Sámis)mihcamáraid Máttasámi Ankaredes Ruoŧas.
 
ČálliidLágádus almmuhii maiddái Maren Uthaug satiiragirjji Dan bodten goh biejjiem vuortebe, máttasámegillii (Dan botta og beaivváža vuordit).

Lágádusjođiheaddji John T. Solbakk, Tromssa universitehta girjjálašvuođadiehtti ja ČálliidLágádusa akademica doaimmaheaddji Harald Gaski ságasteigga girjedoaluin Ankaredes. Áigečállaga máttasámi sierra-doaimmaheaddji Lena Kappfjell muitaliifas áigečállaga sisdoalu birra.

Máttasámi girje- ja kulturbusse (Sørsamisk bok- ogkulturbuss) lei bovden ČálliidLágdusa girjedoaluide Ankaredii. Moaddelot olbmoledje boahtán almmuheapmái.

LIIKUIGA: Ruoŧa máttasámi nissonguovttos aniiga máttasámi satiira girjji somán.
 
BEROŠTEADDJIT: Olbmot atne girjedáhpáhusa Ruoŧa Ankaredes miellagiddevažžan.
 
LÁVUS: Máttasámi girjebusse lágidii ovttas ČálliidLágádusain girjedoaluid stuorra lávus Ankaredes. (gurut) Lena Kappfjell, John Kappfjell,Harald Gaski ja John T. Solbakk.

Čálus ja govat: Ámmun Johnskareng.

Ođasmahttán 26.06.2013
Almmuhan: Mihkku Solbakk