ČálliidLágádusa birra CL-Sámi academica Girjjálašvuođaguovddáš Oktavuohta

MO MÁNÁ RÁHKADIT?
 

Searvva mobbenstadanbargguide!
LOAKTIN-ovttas bagadanboddu

 

Erenoamáš girjealmmuheapmi Deanus
 


ČálliidLágádus 10 jagi ávvudoalut

ČálliidLágádusa 10 jagi ávvudoaluin Deanus 23.11 ledje álmmuheamit, herskostallamat ja konsearta. Deanu sátnejođiheaddji Frank Ingilæ rámidii ČálliidLágádusa iežas buresboahtin-sártnis. Son logai lágádusa šaddan dehálaš fitnodahkan Deanus.


Lágádushoavda John Trygve Solbakk, Ketil Zachariassen ja Aage Solbakk.

ČálliidLágádusa ávvudoaluin ilbme guokte ođđa girjji, Ketil Zachariassen Samiske nasjonale strategar ja Aage Solbakk Báikenamat Sámis 1- Stedsnavn i Sápmi 1. Dasa lassin almmuhuvvui Ellen Marie Jensen We Stopped Forgetting (Stories from Sámi Americans) E-girjin. Girji ilmmai mannan giđa. Dán ge girjji sáhttá fárgga oastit ja diŋgot lágádusa neahtta gávppis.

Go vuos Samiske nasjonale strategar girji ilmmai Deanus, de fuomášahtii girječálli Ketil Zachariassen pioneara ja deatnolačča Per Fokstad rahčamušaid sámegiela ja kultuvrra ovddideamis. Aiddo fal dalle go dáruiduhttin lei buot garraseamos mannan čuohtejagi álggus. Son dattege dovddastii maiddái Fokstad, ja ollu earát fertejedje rievdadit strategiija sámi vuostálasttiid geažil.


Lágádushoavda geige girjjiid Deanu sátnejođiheaddjái Frank Ingilæ:ii

Aage Solbakk Báikenamat Sámis 1- Stedsnavn i Sápmi 1 girji čilge báikenamaid Buolbmát, Hillágurra ja Fanasgieddi guovllus. Girji muitala báikenamaid duogáža, ja mo namat leat riegádan. Gáldut girjái leat ee. girkogirjjit, diggegirjjit ja maiddái njálmmálaš gáldut. Deanu sátnejođiheaddji Frank Ingilæ rámiidii girjji ja logai jo gávdnan mávssolaš dieđuid, go ieš maid liiko mátkkoštit mehciid váriid.

Ovdal Amund Johnskareng erenoamáš konseartta, 40 jagi sámi musihkka, musihkkáriiguin Halvdan Nedrejord ja Tor Sæther, de návddašedje badjelaš 60 olbmo Doffens mat & naturopplevelser sámi herskuid.


Herskuid vuorddašeamen ja návddašeamen.


Doffens mat & naturopplevelser


Halvdan Nedrejord, Amund Johnskareng ja Tor Sæther čuojaheamen.

Ođasmahttán 05.12.2012
Almmuhan: Mihkku Solbakk