ČálliidLágádusa birra CL-Sámi academica Girjjálašvuođaguovddáš Oktavuohta

MO MÁNÁ RÁHKADIT?
 

Searvva mobbenstadanbargguide!
LOAKTIN-ovttas bagadanboddu

 

Erenoamáš girjealmmuheapmi Deanus
 


Hástaleaddji satiiragirji ilbman

Maren Uthaug goalmmát satiiragirji Dan botta go vuordit beaivváža almmuhuvvui Tromssa kulturvisttis golggotmánu 25. beaivvi. Dán jagi girji dáidá hástalit vel eambbo go diimmá ja ovddit jagi girjjit.


Maren Uthaug. Govven: Ámmon Johnskareng.

ČálliidLágádusa girjealmmuheamis ságastalai girječálli ja sárgu Maren Uthaug iežas satiira buvttadeami birra. Muitalii mo su mielas mo satiira sáhtášii doaibmat. Son deattuhii ahte mii dárbbašit leaikkastallama, jos galget ceavzit. Erenoamážit lea dehálaš duostat leaikkastallat iežamet servodagain, dajai Maren.


Nils Magne Knutsen. Govven: Ámmon Johnskareng.

Tromssa universitehta professor Nils Magne Knutsen hálai fas davvinorgalaš leaikkastallama birra, ja mo dat dávjá lea geavahan sápmelačča bilkun. Siri Broch Johansen fas čájehii osiid bihttás “Samenes aften”, maid dán oktavuhtii lei vel divasmahttán. Olbmot geat ledje boahtán Kulturvistái goit orro bures liikomin dien golbma “ságastalli” ságaide.


Siri Broch Johansen. Govven: Ámmon Johnskareng.

Satiiragirji Dan botta go vuordit beaivváža lea maid dárogillii, Mens vi venter på solen. Girji almmuhuvvo juovllaide maiddái julev- ja máttasámegillii.


Maren signeren girjjiid. Govven: Ámmon Johnskareng.


Maren hálešteamen Sigbjørn Skåden:iin. Govven: Ámmon Johnskareng.


Ođasmahttán 01.11.2012
Almmuhan: Mihkku Solbakk