ČálliidLágádusa birra CL-Sámi academica Girjjálašvuođaguovddáš Oktavuohta

MO MÁNÁ RÁHKADIT?
 

Searvva mobbenstadanbargguide!
LOAKTIN-ovttas bagadanboddu

 

Erenoamáš girjealmmuheapmi Deanus
 


Miniseminára ja girjealmmuheamit Deanus


DUTKI JA GIRJEČÁLLI: Dutki Paul Pedersen lei váldo ságastalli ČálliidLágádusa minisemináras Deanus, gos fáddán lei Riiddut ja soabadeapmi Deanus. Govva: Amund Johnskareng


AMERIHKKÁ SÁPMELAŠ: Ellen Marie Jensen lea čállán girjji We Stopped Forgetting mii álmmuhuvvui Deanus geassemánu 1. b. Girjedoaluin son muitalii girjjis birra. Govva: Amund Johnskareng

ČálliidLágdus lágidii miniseminára ja girjealmmuhemiid Deanu šalddis bearjadaga geassemánu 1.b. Ságastallin semináras lei dutki Paul Pedersen. Son muitalii mo riiddut sámiid áššiid birra maiddái leat dagahan soabadeami, ja mo dál leat doahttališgoahtán guđetguimmiideaset. Dát boahtá e.e. ovdan ođđa girjjis Sápmi slår tilbake maid son ja professor Asle Høgmo leaba čállán. Girji almmuhuvvui dáid girjedoaluin.

Maiddái We Stopped Forgetting, Stories from Sámi Americans girji almmuhuvvui. Amerihkká sápmelaš ja girječálli Ellen Marie Jensen muitalii girjjis birra.

Birrasii 30 olbmo ledje boahtán girjedoaluide. Eatnašat Deanus ja Unjárggas. Muhtumat sis divvo gažaldagaid ja bukte kommentáraid girječálli guoktái.

Maŋŋá eahkedis lei feasta Fanasgiettis. ČálliidLágádus guossuhii sihke bassonluosa, konseartta ja dánssa. Amund Johnskareng ja Halvdan Nedrejord fálaiga 70- ja 80 jagiid beakkán sámi lávlagiid, ja “Bare æ” - Leif Jakobsen čuojahii dánsii.

Amund Johnskareng ja Halvdan Nedrejord

Čállán: Amund Johnskareng
aj@lagadus.org

Ođasmahttán 12.06.2012
Almmuhan: Mihkku Solbakk