Lávvardaga cuoŋománu 14.b. oaččui Siri Broch Johansen Sámiráđi 2011 girjebálkkašumi Sárá beaivegirjji ovddas maid ČálliidLágádus almmuhii 2010:s . Bálkkašupmi 4000,- Euro geigejuvvui Sámiráđi čoahkkimis Roavvenjárggas. Lassin oaččui diploma ja soljju.
ILLUDII: Siri Broch Johansen (olgeš) oaččui Sámiráđi 2011 girjebálkkašumi Sámiráđi jođiheaddjis Olav Mahtis Eiras ja Sámiráđi kulturossodaga jođiheaddjis Leena Aikios. Govven: Amund Johnskareng
LÁVLLUI: Girjebálkkašumi oktavuođas lávllui Siri Broch Johansen Leonard Cohen Hallelujah maid girječálli ieš lea heivehan sámegillii. ČálliidLágádusa doaimmaheaddji Amund Johnskareng čuojahii gitára. Govven: Niko Valkeapää
Ođasmahttán 19.04.2012 Almmuhan: Mihkku Solbakk
|