Somá deaivvadit lohkkiin
Signerii girjjis Kárášjogas


ILLUDII: Suoma sámi nisu Outi Paadar illudii hirbmasit go beasai háleštit girječálliin Marit M. Eira Murudan. Girječálli čálistii erenoamáš dearvvuođaid girjái maid Outi osttii.

Marit Mikkelsdatter Eira Murud gii lea čállán girjji Jahki Sámis lohká iežas oažžut buori dovddu go beassá háleštit ja deaivvadit lohkkiin.
–Boađan lagabui sin geat háliidit lohkat mu girjji. Áinnas livččii maid somá gullat oaiviliid maŋŋá go leat lohkan girjji, árvala girječálli.

Jorgala dárogillii
Lávvardaga njukčamánu 10.b. lei girječálli Kárášjogas Kara girjegávppis gos signerii girjjis. Ollu olbmot leat ávžžuhan álmmuhit girjji maiddái dárogillii. Nu leage čálli bargagoahtán dárogiel ́ teavsttain. Jahki Sámis, mii ilmmai guovvamánus, lea ožžon aivve rámi. Girji lea sámi árbevieruid erenoamáš dokumentašuvdnan.



Ođasmahttán 19.03.2012
Almmuhan: Mihkku Solbakk