Jahki Sámis - Girji mii hástala ja neavvu
“Beatnatmuorjjit eai leat dušše čábbát ja ruoksadat, muhto leat maiddái buorit čoavjái.” Lea go duohta, go mii han leat oahppan ahte beatnatmurjjiid ii galgga borrat?



Dien Dien dieđu – ja vaikke man olu eará mávssolaš dieđuid – gávnnat Marit Mikkelsdatter Eira Murud erenoamáš girjjis Jahki Sámis. Girji ii dušše hástal, muhto dat neavvu, ja muitala mo sámit leat viežžan birgejumi luonddus, ja mo oppa luondduin leat ávkkástallan. Dihtet go ahte “Jus buoiddes guvžžá goddá, de lávejit čoliid luddet ja vuoššat. Dat galgá leat vissa hui njálggat”. De geahččal boahtte háve go gottát guvžžá.

Girjjis leat ollu dieđut boazodoalus, ee. borramušvieruid birra. Nu mo dát: “Bohccogaccaid leat ovdal sálten ja goikadan. Dalle galge čuohppat visot seahkuid eret, ja čatnat gittalagaid goikat.” Maiddái dološ diiddat leat girjjis: “Jus ii leat háhppehan borrat iđđes maidege ovdal go vuohččan giega gullá dan giđa, de sáhttá geahnohuvvat”.

Girji muitala maid mearrasámiid birgejumis: “Debbuid goikadedje ja duolddahedje guhkká čázis. Čáhci sáltu, suohku ja garrá, de leat geavahan bihtáid sáltečáhcečoalttus. Das leat ollu minerálat ja judda.”

Dieđut dán girjjis leat čállojuvvon juohke beaivái miehtá jagi. Sáhttá eahpitkeahttá dadjat ahte Jahki Sámis girji lea šaddan erenoamáš sámi árbevieruid dokumentašuvdnan.

Čálli Marit Mikkelsdatter Eira Murud lea riegádan Guovdageainnus, lea bajás-šaddan boazodoalus. Vázzán Politiijaallaskuvlla, ja lohkan sámegiela vuođđofága. Lea bargan leansmánnebálván ja Sámedikkis, dál lea Sámi allaskuvlla hálddahusas.

ČálliidLágádus almmuha girjji Álttá girjerádjosis duorastaga guovvamánu 9.b. diibmu 13.00 ja Guovdageainnus gaskaváhku guovvamánu 15.b. diibmu 14.00 Guovdageainnu girjegávppis (Finnmark kontorsevice viesus). Girjji sáhttá diŋgot dás: www.lagadus.org. Das lea garra olggoš ja máksá kr. 250,-

Ođasmahttán 13.02.2012
Almmuhan: Mihkku Solbakk