ČálliidLágádusa birra CL-Sámi academica Girjjálašvuođaguovddáš Oktavuohta

MO MÁNÁ RÁHKADIT?
 

Searvva mobbenstadanbargguide!
LOAKTIN-ovttas bagadanboddu

 

Erenoamáš girjealmmuheapmi Deanus
 


ČálliidLágádus sponse ČSV vuosttas seminára "Sápmelaččat go uhkidit dáža servodaga?"



1970-jagiid ČSVat, dál Ođđa ČSV, hástalit servodat-digaštallamii, čielggadit ja digaštallat mo dat sápmelaččat uhkidit dážaid eallima Norggas. Vai lea go dušše nu ahte gievrras joavkkut dáža servodagas leat nagodeamen máhcahit servodaga ovddeš vealaheaddjiservodahkan. Dasa sii de geavahit ee. sápmelaččaid “sierravuoigatvuođaid” balddonassan. Ovdalaš juovllaid 2011 celkkii muhtin njunuš dáža politihkkár, Harstadas eret, Davvi-Norgga stuorimus aviisii ahte “Ii leat Norggas dárbu sámi mánáidgárddiide, go eatnigiella Norggas lea dárogiella.” Dien mii leat gullan ovdal – “okta álbmot, okta riika, okta giella.”

De lea fas šaddan oalle dábálažžan cielahit sápmelaččaid. Mealgadii juohke sajis gulat ja logat cillosiid. Aviissain, erenoamážit Davvi-Norggas, leat dihto olbmuin juohke vahkus lohkkičállosat mat muitalit aviisalohkkiide ahte sápmelaččaide leat addán sierravuoigatvuođaid Finnmárkkus, dáža álbmogis ii leat fargga mihkkige. Sápmelaččat leat meariheamit gáibidit. Nie lea leamaš mediagovva máŋga jagi.

Dáža politihkalaš bellodagat mat leat vuostá sámi ovdáneami, leat dat geat vuitet jienasteaddjiid válggain. Ja go vuos sámi vuostálastit leat ožžon eanetlogujoavkku gieldda- dahje gávpotstivrii, de sii dieđusge leat ožžon fápmudusa gáržžidit sámi doaimmaid. Ja dan sii áinnas dahket, jos fal beare sáhttet, go sámegiella ja sámi kultuvra ferte leat uhkideamen ovdáneami.

Maŋemuš jagiid galbma biekkat sápmelaččaid vuostá leat ge maiddái dahkan ahte ođđa ČSV-joavku álggaha semináraráiddu man áigumuš lea ee. boktalit sápmelaččaid sámi servodatdigaštallamii. Vuosttas seminára lea Fanasgiettis ođđajagemánu 6. beaivvi. Vuosttas seminára mearrida semináraráiddu joatkaga.

Fáddá: Maid leat mii olahan 1970 rájes, ja mo dál?

Prográmma
1. ČSV lihkadusa historjá. Aage Solbakk
2. ČSV lihkadusa ideologalaš duogáš. Johan Klemet Hætta Kalstad
3. ČSV odne ja ihttin. Harald Gaski
4. ČSV báikkálaš dásis Deanus. Trond Are Anti
5. Ođđa ČSV boahttevaš seminárat
Seminára jođiheaddji: John T. Solbakk

Áigi Bearjadat ođđajagemánu 6.b. 2012 dii 15.00-18.00
Dii 19.00 Biđđus ja feara mii
Báiki Fanasgieddi, Servviiddállu - ČálliidLágádus


Oktavuođa-telefovnnat
John T: 915 90 606
Johán Lemet: 958 08 840
Harald: 971 91 628
Aage: 997 94 122

Lágideaddji lea Ođđa ČSV
- man duogábealdi leat maiddái soapmásat geat ledje mielde beakkán
“čiegus” ČSV-semináras Guovdageainnus juovlamánus 1970.

Almmuhan: 04.01.2012
Almmuhan: Mihkku Solbakk