Releasekonsearta mii liggii
Deatnogátte Ingvald Guttorm CD release konsearta liggii ja lihkostuvai ollásit. Máŋggakultuvrrat musihka ivdnii vuohkkasit veteránajuoigi luđiid.

Muden-Erkke luohti

Releasekonsearttas besse olbmot vásihit mo Nepala, Estalaš ja dáža álbmotmusihka suttai oktii Ingvald Guttorma juoigamii. Luohti ii čuovvolan musihkkariid, baicce čuovvoledje musihkkárat luođi.

Máilmmi vuosttas ráppa.
Rohpi goasii loktanan konseartta maŋemuš luđiin Muden Erke, mii lea su vuosttas okto CD:s Mun ain juoiggadan. Ingvald leaikkastalai, ráppa musihkka guhkkin eret lea riegádan Amerihkás, muhto baicce Buolbmágis 1800-jagiid loahpageahčen.


RELEASEKONSEARTA: Ingvald Guttorm CD releasekonsearttas: Musihkkárat gurot rávddas: Per Gunnar Andersen(bássa), Katrin Raska Esttis eret(njálbmefidjul), Sanskriti Shrestha Nepalas eret(tabla) ja Trym Bjønnes (gitára). Guokte maŋemučča leigga musihkkarat Ingvalda Mun ain juoiggadan CD:s .
Govven: Amund Johnskareng-ČálliidLágádus


Deatnogátte Nuoraid konsearta
Maiddái Deatnogátte Nuorat čájehedje konsearttastis ahte ovddeš musihkka- ja juoigan máhttu ain eallá. Harvik Hansen ja Irene Pettersen guossoheigga bivastatgállus oahpes luđiid ja lávlagiid. Justa dan maid olbmot ledje vuordán beakkán joavkkus.


DEATNOGÁTTENUORAT GUDNEJAHTTE: Deatnogátte Nuorat gudnejahtte ja dolle konseartta Ingvaldii, guhte lea leamašan joavkkus badjel 40 jagi. Ovddabealde gurot rávddas: Irene Pettersen, Harvik Hansen ja Deatnogátte (grand old man) Ingvald Guttorm. Maŋábealde gurot rávddas: Per G. Andersen (bássa), Leif Jakobsen (tang.), ja Kjetil Balto (gitára). Govas maiddái estálaš Katarin Raska (saks) ja Sanskriti Shrestha (tabla). Govven: Amund Johnskareng-ČálliidLágádus

Dánsestedje
Birrasiid 60 olbmo ledje boahtán Fanasgieddái Deanus ČálliidLágádusa vissui mannan lávvardaga golggotmánu 22.b. Earret konsearttaid, de besse olbmot návddašit guovllu herskui. Eahketbeallai ja ijaguvlui dánsestedje fas Leif Jakobsen “Bare Æ” hávskes musihkkii.


GULDALEADDJIT: Olbmot lagaš birrasis ja guhkkeleappos maid ledje boahtán guldalit Deatnogátte superveterána juoigi Ingvald Guttorm: Govas earret eará ovddabealde, lágádusbargit: Odd Erik Solbakk, John T. Solbakk ja Aage Solbakk. Govven:Amund Johnskareng-ČálliidLágádus


ÁLBMOTMUSIHKA: Katrin Raska Esttis čuojahii estilaš álbmotmusihka estta nammasaš sekkepipe čuojanasain. Su veahkehii Sanskriti Shrestha guhte dearppai nepalska tabla. Govven:Amund Johnskareng-ČálliidLágádus


Juoiggiid searvvi Åse Márgget Holm geigii Sámi Grand Prix CD skeaŋkka Ingvaldii. Govven:Amund Johnskareng-ČálliidLágádus


GUOKTE VETERÁNA: Lágádus jođiheaddji John T. Solbakk giittii Ingvalda guhkes ja mávssolaš barggu árbevirolašluođi ovddas. Govas duogábealde Deatnogátte Nuoraid : Irene Pettersen ja Harvik Hansen. Govven:Amund Johnskareng-ČálliidLágádus


JUOIGGADA AIN: - Eanu gal ain juoiggada, dajai Ester Utsi ja giittii konseartta ja Ingvalda barggu árbevirolaš luođi ovddas. Govven:Amund Johnskareng-ČálliidLágádus


“Bare Æ”
Leif Jakobsen alias “Bare Æ” čuojahii dánsii. Govven: Amund Johnskareng-ČálliidLágádus


Ođasmahttán 27.10.2011
Almmuhan: Mihkku Solbakk