ČálliidLágádusa birra CL-Sámi academica Girjjálašvuođaguovddáš Oktavuohta

LOAKTIN-ovttas bagadanboddu
 

Luonddunamahusat girji ilbman
 

Sterk historie fra virkeligheten
 


Deatnogátte ”grand old man” almmuha CD
ČálliidLágádus almmuha Ingvald Guttorm vuosttas okto-CD:a Mun ain juoiggadan. Lávvardaga 22.10 dii. 18.00 lea stuorra dáhpáhus Fanangiettis Deanus. Máŋggakultuvrrat release konsearta, ságastallan, suohtastallan ja guovllu herskot. Maiddái Deatnogátte Nuorat ja earát gudnejahttet Ingvala

Viimmat eallilan juoigi Ingvald Guttorm almmuha ođđa juoigan-CD:a, ja okto. Veahkkin lea sus buoremus čuojaheaddjit geaiguin ovttas hástala sihke luođi ja musihka ráhkisteddjiid.

Ingvald lea guhká čoaggán luđiid miehtá Deanuleagi, guktui beale riikkarájá. Dán CD:ii lea son válljen oasáža daid luđiin, ja soames luođi lea iešge ráhkadan.

Son lea iežas musihkkačehpiiguin luđiide ivdnen nepálalaš, indialaš ja norgalaš álbmotmusihka. Boađusin lea šaddan erenoamáš girjás ja miellagiddevaš jietnagovva. Luođit dán CD:s eai čuovvol čuojanasaid, čuojanasat baicca čuovvolit luođi.


VUOSTTAS CD OKTO: Deatnogátte “grand old man” Ingvald Guttorm almmuha vuosttas okto CD Mun ain juoiggadan. GOVVEN: ČálliidLágádus - Amund Johnskareng

Dáhpáhusat Fanasgiettis
Jovsset-Ingvald, Ingvald Guttorm release konsearttas lea nepála, norgalaš álbmotmusihka ja luohti čanastuvvon oktii. Maŋŋá konseartta geahčastit ja oahpásmuvvat Ingvald guhkes juoigan karierii.

Maŋŋelis eahkedis gudnejahttet Deatnogátte Nuorat ja earát Deatnogátte “grand old man”. Mállásat, juhkosat ja dánsun.

Sisa máksu / mas biđus ja konsearta: NOK 200,-

Beaivi ja áigi: Lávvárdaga golggotmánu 22. b. dii. 18.00
Báiki: ČálliidLágádusa visti Fanasgiettis Deanus


STUDIOS: Ingvald Guttorm ja čuojaheaddjit studios ođđajagemánus 2011. Gurut ravddas, Harpreet Bansal (fijuvla), Steinar Ofsdal (njurgganas),Trym Bjønnes (gitárra) ja Sanskriti Shrestha (tabla). Priváhta govva.



Ođasmahttán 13.10.2011
Almmuhan: Mihkku Solbakk