ČálliidLágádusa birra CL-Sámi academica Girjjálašvuođaguovddáš Oktavuohta

LOAKTIN-ovttas bagadanboddu
 

Luonddunamahusat girji ilbman
 

Sterk historie fra virkeligheten
 


Satiira sámegillii ja dárogillii
Almmuhuvvojit golggotmánu 7.b. diibmu 18.00 Vulkana nammasaš báikkis, Ordkalotten girjefestiválas Tromssas.

“Ságer somá leat sápmelažžan” - Sámi satiira sámegillii ja dárogillii



Ođđa satiiragirji čuggesta ja bilkida eatnašiid: Ole Henrik Magga, eará sámi albmáid, mearrasápmelaččaid, boazosápmelaččaid ja erenoamážit dážaid. - Lea hui roahkkadis, duostilis, jolggalaš ja velá birolaš unna girjjáš. Girji lea juo hárddestan, muhto lea maid ollugiid bohkosahttán, dat geat leat juo oaidnán girjji, muitala girječálli ja sárgu.

Maren Uthaug, r. 1972 almmuha, satiira girjji Ságer somá leat sápmelažžan golggotmánu 7.b. Tromssas. Girji almmuhuvvo sihke dárogillii ja sámegillii. Girjji namma dárogillii lea: Det er gøy å være same.
ČálliidLágádus lea almmuheaddji.

Almmuhandoaluin lea sihke girječálli Maren Uthaug ja girjji doaimmaheaddji Mona Solbakk mielde.

Fáttát leat olu ja iešguđetláganat, beroškeahttá hearkilvuođas, temperatuvrras dáža ja sámi kultuvrraid gaskka, sámiid gaskavuođain, dán guovtti kultuvrra sohkabeliid gaskavuođain, ja mo lea leat sámi homofiila. Maiddái sámi beakkán guovttos Ole Henrik Magga ja Mikkel Gaup oažžuba moadde sárgá.

Maren Uthaug lea sápmelačča boađus, áhčči (Regnor Solbakk) ja rivgu eadni (Turid Uthaug.) Son lea bajásšaddan Guovdageainnus ja Dánmárkkus. Otne son ássá Københámmanis, gos eallá čállimiin ja sárgumiin.

Maren lea almmuhan humoristtalaš girjjiid Danmárkkus. Beaivválaččat lohket čuđiid mielde olbmot su blogga: www.marenblog.dk. Sus leat maid leamašan sárggasráiddut dánska áviisan ja magasiinnain ja Norggas son lea leamaš guosse-sárggasráido-čálli Dagbladet aviisas.

Sámegielat girjji leaba Mona Solbakkain oarpmeliin, dahkan ovttas. Mona lea maiddái girjjiid doaimmaheaddji. Mona Solbakk lea r. 1971 ja bajásšaddan Deanus. Sus lea journalistta duogáš ja bargan redaktevran NRK Sámi Radios. Odne son bargá sadjásaš gulahallandirektevran Tromssa Universitehtas.

Mediijat bovdejuvvojit girje almmuheapmái:
Áigi: Golggotmánu 7.b. diibmu 18.00
Báiki: Vulkana, Søndretollbogate 17 (polarmusea buohta)

Oktavuođa olbmot:
Girječálli ja sárgu Maren Uthaug, mobil: +45 268 37 656
Doaimmaheaddji Mona Solbakk, mobil: 951 42 060
Lágádusjođiheaddji John T. Solbakk, mobil: 915 90 606



Ođasmahttán 06.10.2010
Almmuhan: Mihkku Solbakk