ČálliidLágádusa birra CL-Sámi academica Girjjálašvuođaguovddáš Oktavuohta

LOAKTIN-ovttas bagadanboddu
 

Luonddunamahusat girji ilbman
 

Sterk historie fra virkeligheten
 


Girjjáš Álttá dráma birra

ČálliidLágadus almmuha girjjáža Álttá stuimmi birra, Dráma ođđa áiggis, geassemánu 10.b. Sámedikki girjerádjosis. Girjjáš muitala dáhpáhusain lagaš historjjás, mat leat dagahan stuorra rievdadusaid Sáme servodahkii.

Álttá stuimmi 30 jagi ávvudeami oktavuođas almmuha ČálliidLágádus 48 siidosaš fáddágirjjáža dulvadeami vuostálastima birra. Girjjáš galggašii  vuosttamužžan cahkkehit skuvlla nuoraid miela oahppat vehá eanet min lagaš historjjá birra.

Máze čáze vuollai
Fáddágirjjáš muitala Álttá-Guovdageainnu eanu dulvadeami historjjá. 1968 plánaid mielde áigo eiseválddit dulvadit oppa Máze gili. Dáid plánaid vuosttildii olles gilli, ja 1970 ásahuvvo "Ákšuvdna lávdegoddi Máze dulvadeami vuostá". Máze dasto ráfáiduvvo.

Mediaid oaidnu
Ii dáidda leat oktage ášši Norggas ođđaáiggis mielddisbuktán nu garra riiddu go Álttá-Guovdageainnueanu dulvadeapmi. Fáddágirjjis oainnat maid dalá norgga ja sámi áviissaid bajilčállagiid.

Govvamuitalus
Vuosttas geardde historjjás  čájehedje Sámit vuostemiela nealgudanákšuvnnaid bokte Oslos sihke 1979:s ja 1981:s. Girjjážis leat govat dáid dáhpáhusain. Maiddái leat dramáhtalaš govat politiákšuvnnas  Sávvonis ođđajagimánus 1981.

Álttá filmmat
ČálliidLágádus almmuha maid guokte Álttá filmma 30 jagi ávvu oktavuođas, bálkkašuvvon dokumentára filbma Mo Sámi váldet ja fikšunfilbma La elva leve!. DVD:a mielde čuovvu oaniduvvon fáddágirjjáš/gihpa.



Ođasmahttán 04.06.2010
Almmuhan: Mihkku Solbakk