ČálliidLágádusa birra CL-Sámi academica Girjjálašvuođaguovddáš Oktavuohta

LOAKTIN-ovttas bagadanboddu

 

Luonddunamahusat girji ilbman

 

Sterk historie fra virkeligheten

 


Gudnejahttet Alaskasápmelaččaid
Kárášjoga kulturviesus gaskaváhku ođđajagemánu 27.b


Govva: Alaska State Library

Kárášjogas gudnejahttet alaskasápmelaččaid sierra doaluin Kárášjoga kulturviesus gaskaváhku ođđajagemánu 27.b. Doppe beasat gullat muitalusaid, vásihit dološ govaid, dávviriidja geahčadit gollečoalttu mii gávdnui Alaskas.

ČálliidLágádus ordne sierra dáhpáhusa alaskasápmelaččaid birra geat badjelaš 100 jagi dás ovdal manne Alaskai. Earret eará oassálastet alaskasápmelaččaid lagaš fuolkkit Kárášjogas. Sii leat ee. Hans Petter Boyne, John Siri ja Anne Marie Balto Johnsen. Johs. Kalvemo fas čájeha TV dokumentára, maid son ráhkadii 19 jagi dás ovdal.

Eiseválddit bivde veahki
1800-jagiid loahpageahčen gávdne golli badjin Yukonleagis. Fargga vásihedje golleroggit Alaska ávdin guovlluin roasu ja nealggi garra dálvvi geažil. Amerihká eiseválddit bivde dalle sápmelaččain veahki, ja sii manne dohko vuodjenherggiiguin, sullii 500 hearggi. 1898:s manne sullii 100 olbmo, dain 78 sápmelačča. Moadde jagi ovdal ledje 6 bearraša mannan Alaskai oahpahit inuihtaide boazodoalu. Bohccuid ledje viežžan Siberias.

Beakkán Samuel Balto
1898 joavkkus lei maid beakkán Samuel Johannesen Balto, gii 10 jagi ovdal lei Nansen veahkkin Ruonáeatnamis. Alaskas son lei áŋgiris breava čálli Nuorttanástái.

Šadde jábálažžan
Máŋga sápmelačča báhce Alaskai, muhtimat ohcagohte golli dahje bargagohte bohccuiguin. Okta dain lei Kárášjoga sápmelaš Klemet P. Boyne (Hans Petter Boyne áhčči). Muhtin alaskabreavaid čállit muitalit ahte son lei šaddan jábálažžan Alaskas.

Aiddo ilbman girji
Ovdalaš juovllaid ilmmai ČálliidLágádusas girji Sámit bálvalusas Alaskas - Amerihká breavat. Alaska sápmelaččaid breavat leat čohkkejuvvon dán girjái. Muittašandoaluin lea vejolaš oastit girjji erenoamáš haddái.

Báiki: Kárášjoga kulturviessu
Áigi: Ođđajagemánu 27. b. dii. 19.00.
Čoahkkin lea sámegillii ja dárogillii.


Govva: Anchorage Museum


Govva: Anchorage Museum



Ođasmahttán 23.01.2010
Almmuhan: Mihkku Solbakk