Beassáškrim

 

Mii fállat sámegieloahpaheddjiide  beassáškrim mii heive sihke unnit ja stuorát mánáide. Muitalus lea Ovllá Biera rukses rubiinna birra mii jávká. Gii sáhttá leat dan suoládan?  Muitalusa heive bures logadettiin dramatiseret. Das lea čilgejuvvon makkár rekvisihtaid heive háhkat ovdagihtii.

 

Jos don leat smávvaskuvllaoahpaheaddji, de don válljet smávvaskuvlla-bargobihtáid.  Jos don leat gaskadási- dahje nuoraidskuvlaoahpaheaddji, de don válljet gaskadási-bargobihtáid.

 

Go dii lehpet lohkan ja dutkan, bargan ja gávnnahan gii lea suoládan Ovllá Biera rubiinna, de sáhttet oahppit sáddet iežaset vástádusa: heidi@lagadus.org  maŋimustá duorastaga 11.04.2019, jos háliidit.  Muitet epostii merket lea go smávvaskuvlaoahppi vai gaskadáseoahppi ja nama ja poastačujuhusa,  ja áinnas telefunnummrira.

 

Mii sáddet dasto rivttes vástádusa, ja geassit buot vástideddjiid gaskkas ovtta STUORRA beassášmani dievva beassášnjálgáiguin.

 

Ollu lihku bargui!

Oahpponeavvu

 

Beassáškrim, sáhttá ná čađahit smávvaskuvllas:

 

  1. Lohkket/dramatiserejehket muitalusa Ovllá Biera rukses rubiinna birra. Dan gávnnat dás:
    Ovllá Biera rukses rubiidna

  2. Oahppit ožžot báhpira mas leat govat sis geat leat váruhuvvon suollagat. Dán gávnnat dás:
    Váruhuvvon olbmot

  3. Vihtta beassášmani maid oahppit fertejit dutkat jos galget gávnnahit gii lea suola. Dan gávnnat dás:
    Bargobihtát smávvaskuvladássi

 

 

 

Beassáškrim sáhttá ná čađahit gaskadásis:

 

  1. Lohkket/dramatiserejehket muitalusa Ovllá Biera rukses rubiinna birra. Dan gávnnat dás:
    Ovllá Biera rukses rubiidna

  2. Oahppit dárbbašit dieđuid jos galget gávnnahit gii lea suola. Dat leat dás:
    Bargobihtát gaskadássi

  3. Dahket govvaráiddu das mii dáhpáhuvai: Dasa gávnnat dás reaiddu:
    Sárggusráidu

  4. Čállinskovvi reportášii:
    Čállinskovvi/reportáša

Gii lei suola, ja manne?

Sáddes dieđu: heidi@lagadus.org

ČálliidLágádus

TjaelijiBerteme - TjállijAlmmudahka - ForfatternesForlag - AuthorsPublisher

 

 

Kárášjohka

Fitnodatgeaidnu 13

9730 Kárášjohka

 

Fanasgieddi

Báktegeaidnu 14

9845 Deatnu

 

 

Digitála oahpponeavvuid doaimmaheaddji

digitala@lagadus.org

 

 

Doaimmahus

poasta@lagadus.org

Digitála Oahpponeavvut