Mij dáppe 3

99 Væráldavijda iemeálmmugij orgánisásjåvnå Væráldavijda iemeálmmugij orgánisásjåvnå tjoahkkiji iemeálmmugij åvdåstiddjit birra værálda. Dåppen sij de rádádalli ássjijt ja hásstalusájt ma gulluji ja duohtti divna iemálmmugijt. Dan láhkáj sij máhtti oadtjot politihkkárijt tjalmijt rabátjit vaj sij hástalusájt vuojnni. Vuona rijka iemeálmmuk mij le sáme, sij åvddåsti Vuonav dakkár rádádallamijn ja digástallamijn. Væráldavijda humánitera viehkke- orgánisásjåvnå Væráldavijda humánitera viehkke-orgánisásjåvnå fálli nieda viehkev ulmutjijda ma li vierttim gierddat luondohiedijt, nielgijt ja doarojt. Sij li agev gárvvása vuolgget ietjasa ræjdoj vájku gåsi væráldin. Siján li maŋen gájkka majt ulmusj dárbaj jus galggá bierggit ja viessot. Vuona rijkan li moadda humánitera viehkke-orgánisásjåvnå ma li gárvvása vuolgget gå hiehte soajttá.