Mij dáppe 3

96 Væráldavijda humánitera viehkke-orgánisásjåvnå Humán merkaj ulmusj. Humánitera viehkke- orgánisásjåvnå viehkedi ulmutjijt. Sij fálli niedaviehkev jus soajtti sjaddat luonndohiede ja doaro ma dahki gierddamijt ulmutjijda ja vaháguhtti sijáj varresvuodav. Luonndohiede da máhtti årrot tjáhtjedulve, ednamdoargestime jali orkána ma biejssti ulmutjij dåbijt ja jåhtu- lagájt . Ja de vil boarggiji el-strávvev. Muhttijn gåjkki ja sjattoduvvi ednama jus ij le harvvám guhkes ájge ålluj ja ulmutjij biebbmosjatto e sjatta. Dassta vas tjuovvu ahte ulmutja nælggu. ...ahte Vuona rijkka le akta dajs rijkajs mij vaddá ållu ienemus rudáv humánitera viehkke- orgánisásjåvnåjda. Daj rudáj sij máhtti viehkedit ållo ulmutjav gænna le hæjtos dille juohkka guovlon væráldin. Sieldes garra orkána Filippijnan basádismánon jagne 2013. Orkádna lij nav garras ahte degu rábastij gájkka dåbijt ja ásadusájt ja biejsstij gæjnojt. gierddama nieda, vájves åtsådallama jåhtulagá gæjnno, (mádiid) biebbmosjatto biebmo majt ulmusj le dålvvudam ja sjaddadam