Mij dáppe 3

92 OECD Værálda boandás ja demokráhtalasj rijka li ásadam siebrev mij gåhtjoduvvá OECD. OECD merkaj The Organization for Economic Cooperation and Development. Da rijka ma li OECD-ájrrasa barggi aktan buoredit oasestimev daj ga ietjasa rijkaj gaskan ja aj buoredit ekonomalasj åvddånimev. EFTA/EEA Ienemus oasse Europa rijkajs le EA siegen degu ájrrasa. EA le dáj julevsáme bágoj oanádus: Ekonomalasj Aktidus mij ieŋŋilsa giellaj le EU, oanádus mij le European Union. Muhtem rijka ælla danna siegen. Da li Vuona rijkka, Liechstenstein ja Svæjttsa. Sij – da gålmmå rijka – li farra siegen muhtem siebren man namma le EFTA - European Free Trade Assosiation. EFTA le rijka ma ælla EA-ájrrasa. EFTA le oadtjum loabev årrot siegen muhtem siebren man namma EØS vuona dárogiellaj – Europeisk Økonomisk Samarbeidsområde. Ieŋŋilsa giellaj EEA – European Economic Area. Julevsámegiellaj de dát sjaddá EEA mij le Europealasj Ekonomalasj Aktanbarggambájkke. Dát le ásadus gånnå divna EA - ja EFOA - ájrrasa li siegen, vuobddemin ja oasstemin gálvojt gaskanisá. Ållo bijla ma vuojeduvva Vuona rijkan, da båhti Tysklándas. Dajt le Vuodna oasstám Tysklándas vaj ulmutja Vuona rijkan máhtti mannat bijllaoassásin ja oasstet dakkár bijlav. EEA-rijka barggi aktan aj åtsådallambargoj ja luondosuodjimij . Ulmutja gudi årru EEA-rijkajn máhtti friddja jåhtet Europa rijkkagaskajt, degu turista ja degu bargge. EA (Europa Aktidus) ieŋŋilsa giellaj EU luondosuodjim suoddjit luondov ja gáttit vaj dat ij biejssteduvá