Mij dáppe 3

52 Lássi viertti vas guovladit Elina guovlluj. Vuojnná suv árudijáv. Le galla åvvå tjáppak. Lássi ij diede avtak gut le nav tjáppak gå Elin. Sujna le unna jårbbå njunjásj ja guhka tjuovggis vuopta. Muhttijn le sån bárggeldam dajt guhka vuoptajt, valla ienemus ájgev sån dibddá vuoptajt luovas. Elina vuopta jåksi git ålkij rádjáj. Lássi miela milta li vuopta fijnuga ja lidnása, nav gåk miese guolga ja ådåga guolga. Lássi ij le goassak duohtadam Elina vuoptajt, ja dan diehti ij sån ham de vissásijt diede makkárá da litji. Oadtju så lik sån dav goassak diehtet mali lidnásabmusa, Elina guhka vuopta, ruoppsis miese åni guolgatja jali Ránne snårreguolga. Ránne dat le Lássi unna bednagattja - ådåga – namma. Vaj ihkap divna dale da, li sæmmi lidnása. Vijmak skuollagådij skåvllåbiello. Låhkåt oasátjav girjes luvluj årrot åvvå suohtas – majt Laila Stien le tjállám. Gå nuora ålli pubertehta áhke rádjáj, de boahtegåhti gieresvuoda dåbdo gåstå de. Gå nuorra nágini mielastuvvá, de sån dåbddå ávov, hávsskev ja muhttijn balov jus dåt le ållu lahka gesi sån le mielas- tuvvam. Ájádusá gærssuli agev suv birra. Lækso ja ietja bæjválasj bargo da báhtsi navtik bargak. Ij vieje gullat ja mássit majt åhpa- diddje åvvå hoallá. Sága ja ládara sjaddi åvvå ietjá lágátja ja degu abmasa. Ja dalloj de sån hálijt ahte sujna gesi le mielstuvvam luvluj sæmmi lágásj dåbdo duv gáktuj. Ållu ienemusá niejdajs mielastuvvi báhtjada ja ållu vas ienemusá báhtjajs mielestuvvi nijedajda. Dat gåhtjoduvvá heterofijlla. Valla muhtem niejda mielstuvvi niejdajda ja muhttijn báhtja nuppijda báhtjajda. Dat gåhtjoduvvá homofijlla. Muhtema vas máhtti mielastuvvat goappátjijda sjiervijda ja dat gåhtjoduvva bifijlla. mássit dárkkelijt ájádallat