Mij dáppe 3

51 Dåssju ålgijt ja hárddov ja suv tjuovggis tjáppa vuobdajt. Váttes le maj dat, gullat majt åhpadiddje hoallá dajna gå Elin le suv nav lahka. Ja sierralágásj váttes dajna gå jåhttåmájgge le boahtám. Lássi ájádallá juojddá Elina birra ja de vas juojddá ælo birra. Ållu ienemusát usjudallá Lássi juojddá ietjas boahttsuj birra. Sån le máj årrum viehkken mærkkomin miesijt. Sån le anedam miesev gájbes dav båttåv gå áhttje suottaj suv merkav miese bieljijda. Nåv le aj Lassi oadtjum sierra suv ietjas boahttsujt. Gå sån sjaddá ållessjattuk, de galggá sujna stuoráp ja tjáppep ællo gå avtanik ietján. Sárggus: Charlotte Helgeland