Mij dáppe 3

28 Mij le media ja oasesmedia? Media le látijnnalasj báhko ja dat merkaj: Gassko . Media li TV, radio, ávijsa, girje, bláde, ájggetjállaga, smartphone, DVD, blu-ray, e-girje, sosiála næhttabájke ja ietjá næhttabiele. Gájkka dá li oase mijá viessomin, idedis rájes iehkedij, juohkka biejve. Dát girjje aj le media. Media baktu mij oadtjop diedojt majt dárbahip ja maj baktu mij oahppap ådå ássjijt. Media tjuovguduhtta ássjijt ma ælla nav buore sebrudagán ja majt politihkkára vierttiji divudit. Media le muhtemærráj degu gáhttár mij gæhttja bærráj ahte politihkkára tjadádi majt li loabádallam. Jus ulmutja vásedi iehperievtes- vuodajt sebrudagán, de media giehttu dan birra. Mij máhttep gullat diedojt ja juogadit gåvåjt, musihkav ja diedojt daj gudi årru nuppen værálda gietjen. Mij máhttep diŋgut ja oasstet gálvojt majt ep gávna ietjama guovlon. Muhtem media vuosedi båvajt, filmajt ja TV-rájdojt maj baktu sij válldi allasisá ållo rudájt. Dá li oasesmedia. Oasesmedia li fábmolattja ja máhtti garrasijt vájkkudit gåktus mij árvustallap ja vuojnnep væráldav. Oasesmedia máhttá vájkkudit gåktus mij gárvvunip, labudip ja makkár gálvojt mij oasstep. ahte Vuona rijkan li gålmmå stáhtafábmoásadusá. Da li vuostak Stuorradigge (láhkavadde fábmo), ráddidus ja gånågis (láhkatjuovvoliddje fábmo) ja duobbmoståvlå (duobbmijiddje fábmo). Muhtema gåhtjudi media nælját stáhtafábmoásadussan. Manen dav jáhká dån?