Mij dáppe 3

17 Same sebrudak rievddá Juohkka sebrudak rievddá. Dav dahká aj sáme sebrudak. Sáme sebrudak mij lij måk álgos, ij le åvvå sæmmilágásj sebrudak mij doajmmá uddni. Dat le rievddam ja riveddá maŋenagi vil uddnik, valla bissu val dat. Sáme sebrudak dat bissu. Sebrudak rievddá dajna gå sebrudahkaj riegádi ådå ulmutja ja dajna gå båhti ietjá ájádusá. Sij åvdedi ådå viessomvuogijt ja gávnadi ådå ræjdojt ja ådå teknologijajt. Muhtema åhtsi allasisá ådå sebrudagájt. Dåppen de sebrustallat ietjá álmmugij ja oahppat ådå hárjjánimijt ja dábijt. Sij hiebadalli ådå hárjjánimijt ja ådå dábijt ietjasa viessom- dilláj. Nuppádis, de vas båhti amás guovlojs ulmutja Sábmáj ja oahppi sáme gielav, duodjuhit, juojggat ja sáme kultuvrav dåbddåt. Navti de rievddá sámegiella, sáme kultuvrra, duodje, luode ja åvvå sáme sebrudak. Dat le ållåsijt luondulasj. Muhtema balli ahte sámegiella, sáme viessomvuohke ja sáme árbbevirulasj máhto galggi gáhtot. Jus sáme berusti sáme sebrudagá iejsdåbdoj viessoanedimev ja åvddånimev, de da e gádo, valla farra rievddi ja ådåstuvvi . Identitehtta ja kultuvrra Gå ulmutja aktan årru, de dassta sjaddá sebrudak, valla juohkka ulmutjin le val suv iesjvuohta ja suv ietjas vuojno, berustibme ja sidot doajmmat dan sebrudagán mij le dal sjaddam. Gut lev mån? Le gus ájádallam dan birra gut dån le? Dån le sierra- lágásj ja ij åvvå aktak væráldin le degu dån. I le aktan vásedam jurra sæmmi dav majt dån le dahkam ja ij le val aktat riegádam daj sæmmi dábij ma li duv. sebrustallat avtastallat árbbedábálasj máhtto máhtto mij le sámijt tjuov- vum dålutjis ådåstuvvat sjaddat ådås Dábe makkár ulmusj le: vissjal, dåjmalasj, jåduk, tjábbe, suohtas, sosiálalasj, liekkos