Mij dáppe 3

146 Muhtem ekovuogádagá li ållu bæjsstanam. Da máhtti årrot edna- ma gånnå gájkka sjatto ja guohtoma li nåhkåm jali jávre ja jågå gånnå guole li jábmám dajna gå suvra harvve jali suvra muohta le bæjsstám dajt. Dalloj de viertti gurgodit ednamijda, jågåjda ja jávrijda kálkav. Kálkka dat le muhtem ábnas mij dahká ahte suvra tjáhtje mij le ednamin, jågån jali jávren ietjájduvvá ja ij le das suvres. Ietjá sajijn li ulmutja tjuollam ilá ållo muorajt nav vaj ednam le sjaddam sjattodibmen, gåjkkåm ja sjaddam sáttojmiehttsen. Galla val manná vas dakkár bájkijda åtjudit muorajt sjattatjit. Dakkár bargo val de rávkki ållo ressursajt ja guhkes ájgijt. Kálkkimin jågåv.