Mij dáppe 3

130 Årroma rievddi Udnásj årroma da li rievddam. Sivva dasi le gå ållo nuora jåhtåli stuorra stádajda nav gåk Råmssåj, Bådåddjuj ja Osloj. Dåppen dale dajn bájkijn sij vádtsi skåvlåjt ja oahppi ietjá bargojt ja nav de sjaddi ulmusressursan sebrudagán. Ållusa val e boade ruopptot sijda­ bájkijda. Sij farra barggagåhti kontåvråjn, åhpåadusájn, rámbuvdajn, njuovadagájn , skihppisujton, fábrihkajn ja ållo ietjá barggosajijn. Valla muhtema gal jåhti duola degu Kárásjåhkåj ja Guovdagæjnnuj. Duodden vuodoæládusájda ja industrijaj gávnnuji dåppen dan guovte bájken dievnastusæládusá duola degu Sámedigge, Sámerádio, sáme skåvlå, sáme ávijsa ja åhpadusguovdásj sáme diedoj hárráj. Divna dá ma li nammadum, da dárbahi ulmusjressursajt. Dåppen le aj viehka oasestibme dajna gå bájke li rijkarájá lahkusin Suoma vuosstáj. Gåvvå vuoset sámegiela guhke- såhpadusáv sáme álmmukbiejven 2015. Åhpadiddje le Káre Márjá Strømeng. Oahppe le Elida Sofie Aase, Surnadal. Fotobyline: Svein Nordsletta njuovadak dat le sadje gånnå boahttsu ja slihtura njuovaduvvi