Mij dáppe 3

116 Tjoahkkájgæsso – Luonndoressursa ja æládusá Ressursa Ressursa li juoga majt ulmusj máhttá ávkástallat vaj rudájt allasis oadtju. Miján li ådåsduhttemressursa ja ij-ådåsduhttemressursa ja ulmusjressursa. Luonndoressursa li: guolle, uljo, gássa, koalla, tjáhtje, ruovdde, muorra, ednam ja bierggo. Ådåsduhttemressursa da li: tjáhtje, muorra, guolle, ednam, bierggo. Ij-ådåsduhttemressursa da li: uljo, gássa, ruovdde ja koalla. Ulmusj-ressursa da li: ulmutja gænna le oahppa ja gudi máhtti iesjguhtiklágásj dåjmajt, duola degu duodjuhit ja årrot dáhtor- ja internett-dåjmadiddje. Æládusá Æládusá da li vuoge jali bargo maj ulmusj allasis oadtju rudájt maj ietjas bierggi. Mijá sebrudagán li gålmmå bierggimvuoge: Vuodoæládusá , industri-æladusá ja dievnastus-æládusá . Vuodoæládusájn barggi ulmutja gudi ávkástalli luonndoressursajt ma li duola degu guole, ednama, buve ja boahttsu. Ednambargge, guolle- bivdde ja boatsojsujtára barggi vuodoæládusán. Industri-æládusá da li æládusá gånnå ulmutja buvtadi iesjguhtiklágásj ábnnasijt jamásjijnajt. Máhtti aj buvtadit luonndoressursajs iesjguhtiklágásj ábnnasijt ja bårråmgálvojt. Ulmutja gudi barggi industri-æládusán sij barggi duola degu fábrihkajn, mejeriajn, ruvvodåjmajn, njuovadagájn ja uljoboarrimrustigijn. Ingeniøra, guollebargge, da gudi juojddá huksi, njuovve, ruvvobargge ja uljobargge sij barggi industri-æládusán.