Mij dáppe 2

Barggobiehke Åhttse 1. Mij la sáttojmiehtse dábálamos dåbddo­ mærkka? 2. Gånnå l værálda stuorámus sáttojmiehttse? 3. Gåktu ulmutja suoddjiji ietjas sáttojbiekkaj vuossti? 4. Gåktu sjatto sáttojmiehtsijn bierggiji? 5. Makkir iesjgeŋgalágásj sáttojmiehtse gávn- nuji væráldin? Dahkke 1. Bieja sádduv nieljetjiegak gáre sisi! Båso vuopptagåjkkimbåsunijn, ja gáhtti vaj sáddu ij båsoduvá gáres ålgus, ájnat sáttoj­ várijt stielli. Gehtja gåktu ”biegga” sierra­ lágásj duobddágijt sáddun hábbmi! Navti sáttojváre sáttojmiehtsen sjaddi. 2. Dálla la låhkåm, gåvåjt gæhttjam ja ienep oahppam temperieriduvvam, subtropalasj ja galmma sjaddoguovloj birra. Gehtja gåvåjt majt málliji! Le gus juojddá majt máhtá malerijjajda lasedit jali rievdadit? 3. Lågå: Gåktu ulmutja sáttojmiehtsen bierg- giji? B. 96–97. Tjále tjoahkkájgessusav das- sta majt la låhkåm! Máhtá lågådin tjállem­ skåvev dievddet, ja adnet dav viehkken gå tjoahkkájgessusav tjálá. Åtsådalle 1. Guovtes aktan: Gånnå væráldin gávnnuji sáttojmiehtse? Gæhttje ja guoradalle kár- tav. Subtsastihtte ja tjielggijihtte nuppe nubbáj! 2. Juogosbarggo: Dahkit sáttojmiehtsev! Dav vierttibihtit gidágiesen jali giesen dahkat. Biedjit sjuoddnjis lurvov 2m 2 ednamij! Al- lit dibde harvev jali tjátjev dåhku boahtet, dåssju biejvev ja biekkav. Dibddit årrot áj- gev ja tjuovvut gåktu ednam sjaddá! Tjal- lit girjjáj gåktu lihpit guoradallamav dah- kam ja mij boados lij! Máhttebihtit aj gåvåjt lasedit. 99