Mij dáppe 2

75 Gå geografijjajn barggap, de vásstedip gatjálvisájt • Man aluk la várre? • Gånnå l stáda? • Makkir ednamtjærdda l dan rijkan? • Manen la ednamtjærdda sjaddam navti? • Gånnå li stuor jávre? • Gånnå årru ienemus ulmutja? • Gåktu bierggiji da ulmutja? • Makkár luohko gávnnuji bájken jali rijkan? • Gånnå li alle váre? Dán girjen åhpa værálda dálkádagá ja sjaddoguovloj birra, ja gåktu ulmutja ja juhtusa bierggiji ja ávkástalli daj guov- lojs. Besa aj låhkåt ja oahppat ienep iesjgeŋga væráltåsij birra. Geografijja l oahppa ålles værálda birra. Geografijja l greh- ka báhko mij merkaj tjielggit ednamav . Jus galggá buk- tet ednamav tjielggit, de vierttij oahppat ållo ådå bágojt ja nammadusájt. Dajt bágojt adná gå sihtá subtsastit ja tjielg­ git ábijt, várijt, jågåjt, jávrijt, ednamijt, stádajt ja bájkke- namájt. Geografijjan oahppap gåktu ednam la sjaddam navti gåk- tu uddni l. Oahppap aj dálkij, dálkádagá ja luondo birra. Geografijjaoasen oahppap aj gånnå ulmutja årru ja gåktu bierggiji dåppe gånnå årru. geografijja tjielggi ja buohtastahttá bájkijt ja guovlojt ednamtjærdda gåktu luonndo/ednam la vissa guovlon, duola dagu vuodnaednama jali duottarednama. luohko ábnnasa ma gávnnuji luondon, duola dagu guolle, boatsoj, vuovdde, jali silbba jali ruovdde