Mij dáppe 2

7 Sebrudakmáhtto le máhtto dan sebru- dagá birra gånnå mij viessop. Sebrudak- máhtto le diedo dan birra gåktus mij galggap gárvedit dilev nav vaj máhttep iehtjádij aktan årrot ja viessot. Mij lip gájka sebrulattja iesjguhtik sebrudagán. Dan diehtij le dat ájnas ahte mij áhku- hip allasimme diedojt daj birra. Dalloj aj de mij vierttip dágástallat ålov iehtjádij. Mij dárbahip ságastit ja gullat iehtjádij vuojnojtsebrudagá ássjij birra. Dalloj de mij máhttep árvustallat mij le buoremus ja de hárjjidallat ietjama oajvvelijt buk- tet åvddån. Sebrudakmáhtto le ienep gå máhttet ja diehtet. Sebrudakmáhtto le aj berus- tit. Mij galggap berustit ietjama dajna gå miján le árvvo. Valla mij aj galggap berustit ja adnet duodalattjan aj ieht- jádijt gejna mij aktan årrop ja gå siján aj le árvvo. Divnajn le åvdåsvásstadus gæhtjjat bærráj ahte sij gejna mij aktan visssop, oadtju dåbddåt jasskisvuodav ja buorrevuodav. Dán oasen bessap mij låhkåt ja oahppat ienebuv sijáj birra gudi mierredi Vuona rijkan ja Sámelándan. Bessap aj låhkåt ja oahppat mij demokratijja ja politihk- kár le, ja gåktus media tjuovggi mijáv ja mijá vuojnojda vájkkut. Sebrudakmáhtto Mij vierttip oahppat guhtik guojmestimme. Mij ham vuojnnet gájka lip degu akta dán væráldin. Mij vierttip oahppat guhtik guojmestimme ja viehkedit guhtik guojmema. Jus mij ep åhpa guhtik guojmestimme ja ep ga viehkeda guhtik guojmema, de lip mij duobmidum. Rávvis goasskem – Gray Eagle – Ken Jackson. Nuortta-Amerika álggoálmmugijda sån gullu. áhkuhip áhkuhit le åhtsåt ja allasis oadtjot diedojt jali gálvojt oajvvelijt oajvvel le vuojnno jali miejnik