Mij dáppe 2

68 Manen galggi media? Media da galggi midjij giehttot mij sebrudagán dáhpáduvvá. Da máhtti år- rot ådåsa ja ietjá dáhpádusá sebrudagán. Gå mij låhkåp ja gullap ásjij birra media baktu, de álggep mij dágástallat ásjijt iehtjádij. Media galggi tjuovggit divna bielijt ma li muhtem ásjen, vaj mij máhttep ásadit ietjama oajvvela ásjijda. Media bargge galggi aj liehket kritihkkalattja ja tjuov­ vot maŋen sebrudagán. Dat merkaj ahte sij galggi giehttot låhkkijda, gæhttjijda, guldaliddjijda ja sierraláhkáj politihkká- rijda ásjij birra ma ælla ållu buore sebru- dagán. Dan lahkáj de media gåhtsi ahte demo- kratijja ja dágástallam bissu sebrudagán. Politihkkára åvdåsti ietjasa oajvvelijt TV:a rájadusájn. Ållo ulmutja vuojnni sijáv ja gulli man láhkáj sij ájggu buoredit sebrudagáv. Media tjuovvu maŋen, tjálli ja gåvviji ásjijt ma dáhpáduv­ vi sebrudagán. Dánna vuojnnep mij politijav doalvvomin ierijt muhtem ulmutjav gut vuoset sån ij dåhkkida mi- nerálaj viedtjama luondos ja ruvvodåjmajt luondon. Gå media tjállá ja giehttu dakkár dáhpádusáj birra, de ållusa gulli daj birra, ja dalloj de sjaddá dágástallam ásje birra. dágástallat álgget dágástal- lat le dágástallagoahtet