Mij dáppe 2

65 Fylkadigge Gå li suohkan- ja fylkadiggeválga, de aj válljiduvvi ájrrasa fylkadiggáj. Fylkadigge le bajemus mierrediddje orgádna fylkan, ja dat galggá jådedit fylkasuohkana bargojt. Sijá njunnjusj le fylkasuohkanoajvve . Ájrrasa válljiji ietjasa gaskas suv gut galggá doajmmat fylkasuohkanoajvven. Sån galggá aktan ietjá ájrrasij jådedit fylkasuohkana po- litihkav ja bargojt. Fylkasuohkan galggá gæhtjjat bærráj ahte joarkkaskåvlå doajmmi nåv gåktus sij galggi. Sij galggi huksat ahte miehtáj fylka gávnnu- ji bádnedåktåra ja ahte divna skåvllåoahppe oadtju buorre bádnesujtov nåvkå. Sij galggi guoradallat ja divudit fylka gæjnojt ja guo- radallat jåhtulagájt bájkij gaskav. Luondo­ gáhttim, el-strávve, kultuvrrafálaldagá ja æládusájt åvddedit, da li ietjá dåjma majt fylkasuohkan galggá guoradallat ja tjuovvot. Fylkasuohkan galggá duola degu gæhttjat bæráj ja divudit fylka gæjnojt nåv gåk dárbahuvvá.