Mij dáppe 2

49 Iehpedemokratijja Vuona rijkan Nuppe væráldadoarroájge 1940–1945 ij lim Vuonan demokratijja. Vuoratjismáno 9. biejve tyska validin Vuodnaj. Muhtem mánov maŋŋela lidjin sij válldám badjelasj ålles rijkav. Tyska lidjin násista. Sijá stivr- rimvuohke lij iehpedemokrahtalasj. Dat lij diktátuvrra . Hitler aktan ietjas barggoguoj- mij stivrrij ålles Tysklándav. Sån hálijdij Vuonav aj stivrrit. Muhtem vuonaga doarjjun Hitlerav ja suv barggoguojmijt ja barggin aktan sijájn. Sij lidjin siegen muhtem belludagán man namma lij Nasjonal Samling (NS) ja VidkunQuisling lij sijá jådediddje. Nasjonal Samlingbuorguj ietjá belludagájt gå NS. Sij bidjin ierijt dav ráddidusáv majt ulmutja lidjin demokráhtalattjat válljim ja bidjin sadjáj ådå ráddidusáv majt NS ja Quisling galgaj jådedit. Adolf Hitler buorástahttá ietjas tjuovvojt. diktátuvrra stivrrimvuohke gånnå akta ulmusj mierret gájkka lágajt ja masi rijka rudá galggi mannat Vidkun Quisling lij NS-belludagá ájrras jaVuona ministerpresidænnta jagijt 1942–1945.