Mij dáppe 2

43 Demokratijja vælggogisvuoda Demokratijjav tjuovvu ållo rievtesvuoda divna dajda gudi årru Vuona rijkan. Valla jus sebrudak galggá sjaddat div- najda buorren, de vierttiji demokratijjan aj årrot muhtem vælggogisvuoda . Da li: • Tjuovvot lágajt ja njuolgadusájt • Jienastit gå li válga • Mákset værov • Oahppat • Válldet åvdåsvásstádusáv Tjuovvot lágajt ja njuolgadusájt Stuorradigge le mierredam lágajt maijt divna galggi tjuov­ vot. Gå divna tjuovvu sebrudagá lágajt ja njuolgadusájt, de sjaddá sebrudakiellem divnajda buorre. Ållessjattuk ul- mutja sij dåbddi dábálamos lágajt majt sij bæjválattjat dár- bahi diehtet. Soajttá dån aj dåbdå muhtem lágajt? vælggogisvuoda vælggogisvuohta le majt sebrudak vuorddá dån galga dahkat