Mij dáppe 2

Gånågis, Stuorradigge ja Sámedigge • Tjoahkkájgæsso Monarkijja Vuonan le monarkijja. Dat merkaj ahte miján le gånågis ja dråtnik. Vuonan le gånågis dat gut le rijka bajemus ja dav sån le desik jábmá. Gånågis ja suv fámilja sehkani dáhpádusájda allabasse ájgij ja gå stuorra dáhpádusá li rijkan. Muhttijn sij manadi ålggorijkan. Dalloj sij de åvdåsti Vuona rijkav. Stuorradigge Stuorradigge leVuona rijka alemus mierre- diddje ásadus. Dåppen tjåhkkåhi sij gejt rijka jienastiddje li válljim. Sijáv mij gåhtjudip stuorradiggeájrrasin . Sij galggi stivrrit Vuona rijkav. Dan diehti de sij vierttiji lágajt dahkat jali rievddadit nåv ahte divnajda sjaddá buorre viessot. Sij aj galggi mierredt masi Vuona rijka rudá galggi mannat. Ráddidus Ráddidus le stáhtaministar ja suv barggoguoj- me aktan. Sij gæhttjali åvdedit ásjijt vaj Vuona rijkka luvluj sjaddat nåv gåktus Stuorradigge le mierredam. Stuorradigge mierret dav majt ráddidus evtut. Ráddidus aj galggá gæhttjat bærráj ahte sebrudak doajmmá daj lágaj ja njuolgadusáj milta majt Stuorradigge le mier- redam. Vuona Sámedigge Vuona Sámedigge leVuona sámij jiednaguod­ de jali orgádna. Sámdikken tjåhkkåhi 39 ájr- rasa gejt sáme li dåhku válljim. Sij válljiji guh- ti galggá sjaddat presidænntan, valla dábálasj le ahte presidænnta sjaddá muhtem gut gul- lu dan belludahkaj mij oattjoj ienemus jienajt. Presidænnta le Sámedikke bajemus. Vuona Sámedikke tsiekkadus le Kárásjågån. Vuona sámediggeráde Presidænnta ja suv barggoguojme ásadi sáme- diggerádev. Sámediggeráde galggá tjuovvot vaj Sámedikke ájggomusá ålliduvvi. Dan dieh- ti mierredit masi rudá buoremusát galggi man- nat ja ållidit Sámedikke ájggomusájt sige sá- megiellaj, sáme kultuvrraj ja sáme æládusájda . Ållestjåhkanibme Ållestjåhkanibme le Sámedikke bajemus orgád­ na ja tjadáduvvá niellji jahkáj. Ållestjåhkanib­ májtjåhkani 39 álmmugválljim ájrrasa. Gå ålles­ tjåhkanibme le ságastam ásje birra ja evtudam gåktus luvluj sjaddat, de sij jienasti. Maŋemusát le ieneplåhko dat mij mierret gåktus galggá år- rot. Ållestjåhkanibme galggá aj Stuorradikkijn æjvvalit ja ságastit dakkár asjij birra ma sierra­ láhkáj guoski sámijda ja sámeguovlojda. ájrrasa li da gudi galggi álmmuga jienajt åvdedit, dajna gå álmmuk le sijáv válljim Sámediggáj æládusájda æládusá li bierggim­ láge, duola degu ednambarggo, boatsojsujtto, guollebivddo 32