Mij dáppe 2

30 Haddodibme Haddodibme le vájkkudus dassta gå lágav doadjám. Had- dodibme máhttá liehket tjåhkkåhit giddagisán muhtem áj- gev jali sáhkov mákset. Muhttijn le haddodibme sebrudak­ ávkálasj barggo majt galggá barggat mierredum ájgev. Dábálamos vierredagojda le bijadum mierre man guhkev galggá tjåhkkåhit giddagisán, man guhkev barggat jali man stuorra sáhkov galggá mákset. Manen galggá haddodit ulmutjijt gudi lágav dådji? Iene- mus oase mielan le nåv ahte vierredahkke li ánssidam had- dodimev. Muhtema gis hålli ahte haddodimes ij le nágin ávkke. Dav majt vierredahkke le dahkam, dav sån ij huo- man máhte buoredit ja dan diehti ij le ávkke suv haddodit. Haddodibme le bijadum dan diehti vaj vierredahkke jali sij gudi ájggu juojdá boastot dahkat, galggi vuojnnet ahte vierredahko ij le mávsulasj. Lágajt galggá tjuovvot. Sån gut lagáv doadjá, aj galggá gierddat dav majt dat vájkkut. Haddodibme aj galggá balldet iehtjadijt vaj sij e doaje lágajt. Dajna vuogijn de sebrudak gæhttjal vájkkudit vaj vierredahkke hiejtti lágajt doadjemis. sebrudakávkálasj barggo mij le sebru­ dahkaj ávkken, duola degu rugijt tjoagget ålggojt jali rádehuodnahav mállit sáhkov sáhko dat le ruhta maj viertti mákset jus vierev dagá