Mij dáppe 2

28 Ivár Ivár le 16 jagák bárnne. Ivár lijkku skoterijn vuodjet. Dav sån dahká juohkka biejve maŋŋela skåvlå. Ij le galla sujna loahpe skoterav vuod- jet dajna gå sujna ij le vuod- jemkårttå. Áhtjenis le skoter årromin danna saljon. Dan- na le tjåvdå sadjihin ja álkke stárttit ja vuodjegoahtet. Akti lij Ivár vuodjemin giet- ten ja dåbe birra. De dåhpeguorraj bådij amás bijlla ja ganugij. Ivár dal diehtem- vájnok ja vuoddjáj gehtjatjit. Hæhkkat dahpáduváj ahte gássa dæhpoj gitta ja sko- ter de manáj ållu jåhtelijt amás ulmutja bij- la næjgga. Ivár ravgaj skoteris ierijt. Buor- re lij sunji gå lij sujna oajvvesuojal nåv ahte sujna manáj buoragijt. Skoter ja bijlla bæjsstanijga harmadijt. Bijla æjgát nihtodij Ivárav diededit politijaj. Muhtem ájgge vásij. Avta biejve oadtjoj Ivár girjev lenskas gånnå tjuodtjoj ahte ássje le diededum politijaj ja ahte sij li åtsådallamin ásjev. De vássá hánj muhtem ájgge. Påsta maŋen boahtá girjje ahte sij li giehtadallam ásjev. Ivár le dal guoddaluvvam ja galggá diggáj. Ivár oadtju ádvokáhtav mij galggá suv bielen hållat. Dat le suv bælostiddje. Såj de aktan gárvedibá iehtjasa riektáj. Dikken li duobmár, ádvokáhta, Ivár ja sån gut le diededam suv. Sige sån gut le die- dedam ja sån gut le guoddaluvvam (Ivár) galggaba bessat ietjaska bieles tjileggit ás- jev. Duopmár åtsådallá lágajt ja daj báktu gávnná goahppan le riekta. Dán ásjen sjat- taj duobbmo náv: Ivár duobbmiduvvá mákset amás ulmutja bijlladivvomav gå sån lij skoterav vuodjám loabedagi. Duodden duobbmiduváj sån ahte hæhttu vuorddet 2 jage åvddåla gå máhttá vuodjemkårtåv válldet.