Mij dáppe 2

22 Jagen 1978 mierredij Vuona Stuorra- digge buodot Áltá-Guovdagæjno ænov. Tjáhtjefámo baktu máhttá buvtadit ållo el-strávvev ulmutjijda ja aj oasen ietjá rij­ kajda. Dav majt ráddidus ij mujttám, lij gatjádit loabev sámijs ja ietjá ulmutjijs gudi årru Áltá-Guovdagæjno guovlon. Ællosáme gænna lidjin guohtoma dajn guovlojn, luonndogáhttijiddje, sáme orgánisásjåvnå, ja ietjá berustiddje, sij vuosstálasstegåhtin garrasijt dav mierre­ dusáv mij lij dagádum. Muhtema mannin gihtta Osloj ja tsieggijin lávojt Stuorradik- ke ålgusjbælláj. Dåppen sij moahtte láhkáj vuosedin ahte sij e dåhkkida dav mierredusáv ja rávk- kin áhte oajválattja vierttij jårgijdit dan ássjen. Sáme tjåhkanin Stuorradikke ålgusjbælláj. Dajna vuogijn sij vuosedin oajválattjajda ahte sij e dåhkkida ahte sáme jiena ja sámij vuojnno e veleduvá gå oajválattja galggi mierredit gåktus sáme ednamijt ja tjáhtjálagájt galggi háldadit. Áltá-Guovdagæjno jågå dulvvadibme – Sámedikke duogásj