Mij dáppe 2

19 Sámediggeráde Sámedikke presidænnta sån vállji ájr­ rasijtgudi galggi årrot sámediggeráde sebrulattja ja dajt sån vállji Sámedikke ájrrasij gaskas. Sij de aktan sjaddi år- rot sámediggeráde ja presidænnta le si­ já njunnusj. Sámediggeráde doaimmá muhtemærráj degu Sámedikke ráddidus. Sij galggi sáme sebrudagáv åvddedit nav gåktus sij li loabedam jienastid­ djijda. Sij galggi aj juohket rudájt majt Stuorradigge le juollodam. Muhtem rudá manni dasi ahte sámegiella galg­ gá åvddånit ja bissot. Duoddjárat oadt- ju ruhtadårjav vaj sij oahppi duodjuhit ja barggat degu duoddjára. Lágádusá oadtju ruhtadårjajt vaj sij máhtti dahkat oahppamnævojt, degu dáv girjev majt då dálla lågå. Sáme media oadtju ruhta- dårjav tjuovggit sáme ådåsijtja sámepo- litihkav sámijda ja iehtjádijda gudi be- rusti sáme ássjijt sebrudagán. Sámediggeráde galggá aj evtudit doarjjaårnigij njuolgadusájt ma galggi duohtan dahkat dajt mierredusájt majt Sámedikke ålles tjåhkanibme le mierre- dam. Bæjválasj politihkkalsj doajmma le Sámediggeráde åvdåsvásstádus. Sámediggeráde 2013–2017. Gåro bieles Ann-Mari Thomassen, BjørnThomas Åhren, presidænnta Aili Keskitalo, Henrik Olsen ja Silje Karine Muotka.