Mij dáppe 2

17 Ráddidus Vuona rijkan mierret stáhtaministar ållo ienemusát. Stáhtaministar gullu dábá- lahttjat dan poilitihkkalasj belludahkaj mij oattjoj ienemus jienajt stuorradikke- válgan. Vuona rijkan li årrum huj ållo stáhtaministara. Stáhtaministar ij stivrri rijkav ållu aktu. Sån galggá válljit guojmmebarggijt, sige nissunijt ja ålmmåjt gudi stivrriji iesj­ guhtik suorgev. Juohkka guojmmebarg- ge gåhtjoduvvá stáhtaráde . Muhtem stáhtaráde stivrri ålggorijka ássjijt, nubbe vas åhpadusá ássjijt, nub- be vas stivrri rudájt. Sijáj namá li ålggo- rijka ministar, åhpadusministar ja finánsministar. Stáhtaministar ja suv guojmmebargge aktan le ráddidus . Ráddidus dat gæhttjal åvdedit ietjas ájg- gomusájt . Dat evtut ådå lágajt ja rievd- dadusájt dajda lágájda ma li juo, vaj ul- mutjijda sjaddá buorep viessot sebru- dagán. Stuorradigge dåhkkit lágajt. Ráddidus galggá gæhttjat bærráj ahte sebrudak doajmmá daj lagáj ja mierrdu­ sáj milta majt Stuorradigge le dåhkki- dam ja mierredam. Gånågis æjvval rád- didusájn juohkka bierjjedagá klåhkko 11:en. politihkkalasj belludahkaj poilitihkkalasj belludak le juogos gænna le avtamielulasj- vuohta ållo ássjijn. ålmmåjt ålmåj le sæmmi gå kárán ájggomusájt ájggomus le majt ájggu jali sihtá barggat