Mij dáppe 2

15 Stuorradigge Stuorradigge le Vuona rijka bajemus mierrediddje ásadus. Dåppen tjåhkkåhi sij gudi stivrriji ja mierredi Vuona rijkan. Sij li 169 politihkkára ja sij li ålles rijka álmmuga gaskas válljidum. Sijáv mij gåhtjudip stuorradiggeájrrasin . Stuorradigge mierret gåktus rijka galggá jådeduvvat ja stivrriduvvat. Ulmutja Vuona rijkan galggi dævddám 18 jagev ja årrot Vuona stáhtaviesáda åvddåla gå sij máht- ti jienastit politihkkarijt gejt sij sihti galggi mierredit sijá åvdås. Válga tjadáduvvi fært nælját jage. Politihkkalasj belludagá ma oadtju ållo jienajt, sij oadtju ie- nep ájrrasijt Stuorradiggáj. Politihkkalsj belludagá gænna ælla nav ållo ájrrasa, sij máhtti riek álkket oadtjot ieneplå- gov ietjasa evtudusájda gå Stuorradigge jienastimev tjadát. Gånågis rahpá Stuorradikke ådå barggojagev álu vuostasj árga gålgådismánon. Dalloj aj sån hoallá Stuorradikken hå- lav mij gåhtjoduvvá tråvnnåhållan . ájrrasijt akta ájrras, moadda ájrrasa. Ájrrasa li da gejt ulmutja li váll- jim Stuorradiggáj árga árgga le biejvve mij le barggobiejvve ja ij basse jali ájllek Stuorradigge-tsiekkadus Oslon.