Mij dáppe 2

Barggobiehke Åhttse 1. Gåsstå båhtin vuostasj ulmutja Nuortta- Amerikaj? 2. Goassa båhtin europalattja Nuortta-Amerikaj? 3. Manen Nuortta-Amerikan ieŋŋilsgielav hålli? 4. Makkir juhtusav bivddinAmerika ieme­ álmmuga? 5. Mij la plantássja? 6. Majt barggi ulmutja Nuortta-Amerikan? Dahkke 1. Tjuovo ådåsijt muhtem ájgev ja mierkki kárttajgåsstå Nuortta-Amerikas ådåsa li! 2. Lågå tevstav ja guoradalá kártav! Gárveda gatjálvisájt iehtjádijda klássan masi máht- ti vásstádusájt åhtsåt! (Bágo ma soajtti viehkken: Rádjá, nuortta, oarjje, lulle, alle, jávrre, merra, áhpe, várre, gæjnno, stáda, luonndo, ulmusjlåhko, åssko). 3. Ållo sáme ja dáttja årrujin Nuortta-Amerikaj 1800-lågo gietjen. Åtså girjjevuorkán girjijt ma subtsasti dan ájges. Lågå ja åhpa ienep! Åtsådalle 1. Vállji muhtem rijkav Nuortta-Amerikan ja åtså diedojt rijka birra! (gånågis, stáhta­ ministar, luonndo, bargo, makkár gálvojt ietjá rijkajda vuobddi, stuorámus jågå, ale- mus váre, majt turistajt gæssá, gåvå, his- tåvrrå, musihkka, slávggá, rudá, åssko, iemeálmmuga, jnv.) 2. Nuortta-Amerika l juogeduvvam stáhtajda. Iemeálmmugijn li álu ietjasa namá stáh- tajda. Guoradalá kártav ja ietjá gáldojt ja gæhttjala gávnnat makkir stáhtajn li namá iemeálmmugij gielaj milta. Kanada iemeálmmuga First Nations gávnadin vierajt. Dajt máhttá juolgijda tsåggåt gå galggá muohttagin vádtset vaj ij tjalga muohttagij. 139