Mij dáppe 2

104 Ulmutja tjuolli harvevuovdijt juohkka biejve Harvvevuovdijn li sierralágásj muora massta fabrihkan máhttá ållo tjáppa ståhpegálvojt stiellit. Danen tjuolli muhtema muorajt ja vuobddi dajt ståhpegálvvoindustrijjaj vaj rudájt tjijnniji. Væráldin sjaddi ienep ja ienep ulmutja, ja ulmutja dárbahi ienep ja ienep biergov. Dan diehti vierttiji rássjovuomijt tjuollat vaj åttjudi ienep guohtomsajijt slihturijda. Stuorra stáda ja tjoahkkebájke dárbahij ruovdderahtijt ja gæjnojt ja tjátjev jågåjs ma gålggi harvvevuov- dij tjadá. Danen vierttiji tjuollat ja látjet sajev dakkirijda. Boados dássta la iemeálmmuga aktan ietjas máhtudagáj gáhtu, ja harvvevuovde unnu ja maŋemussaj ållu gáhtu. Harvvevuovdijn la báhkas. Dåppe harvve jåhtelit svielas ja balv- van sjaddá. Balva tjoassku ja de harvvegoahtá vas. Jus harvvevuovde gáhtu de ij dåppen sjat- ta desti harvvet ja de sjaddá sihke ednamjårb­ bådis ja ilmme lieggasap ja gåjkkesap. Dutke árvvali dát la akta sivájs manen ednama tem- peratuvrra lassán. Oasse dán tropalasj harvvevuovdes la tjuoladuvvam danen gå dasi galggá gæjnno. Borneon. Penan-álmmuk vuosstálassti harvvevuovddetjuolla- mav ja plantásjaj gæjvvanimev sijá årromguovlon.