Mij dáppe 1

97 jáhkáv ahte bálges le duola duon guovlon, javlaj Márjjá ja vuosedij. – Máhttin gæhttja- lit, mån aj jáhkáv dåppen dat soajttá, bálges, guorrasij Piera. Vádtsijga såj, valla ij makkárik bálges ihtam tjalmij åvddåj. Oanegasj de tjuorvvi Piera: Gehtja dåla vuojná gårkkåbiesse! – Ná, majt måj gårkkåbiesijn? javllá Márjjá. Piera vásstedij riek ávon: Mån de diedáv gånnå le oarjás. Márjjá sjuohkedij: – Manen dav diedá, ij la ham dat ietján gå dábálasj gårkkåbiesse. – Mån lev skåvlån oahppam ahte gårkkå- biesse álu le oarjás gånnå biejvve, javlaj Pie- ra. – Dan diehtij le oarjás duola duopppen ja ij åvvå dåppen gåsi måj lin mannamin. De boade Márjjá, Måj galggin dal vádtset duvle dån váre vuosstáj, de måj vas båhtin dijá dåbe lahka. Gå lijga vádtsám nágin oanegav, de gáv- najga bálggáv ja vuojnijga gånnå lijga. – Vuoj Piera, vuorbbe gå dån lidji dale dav oahppam skåvlån, ietján de måj lijma duo- daj láhppum vuovddáj, javlaj Márjjá ja lij ållu ávon. – Galla dåm aj lidji tjiehppe gut gávnni jåŋåjt majt tjåkkijma. Varás fierodum jågŋå dat la dal galla njálgge lájbe nanna, javlaj ieddne gut lij gievkanin. – De galla dal máhttep gijttet gårkkåbiesev ahte miján le varás fierodum jågŋå. Dav javlaj Márjjá ja álgij giehttot mij lij sunnuj dáhpáduvvam miehtsen. •