Mij dáppe 1

86 dåhpe/årudak gæjnno bálges Sárggot kártav Kártta dat le sárggot ednamtjerdav nav gå dat le gehtjadum badjes. Kárttaj galg­ gi sjiehttat ållo diedo unna sajátjij. Majt viertti de barggat sån gut galggá sárgot kártav? Álkkedit Dat gut galggá kártav sárggot, sån ij máhte sárggot gájkka majt sån vuojn- ná. Viertti farra dahkat sárggomav álk- kebun, dan sivá diehti gå ij le sadje dasi sárggot divna majt vuojnná. Sån de dal- loj viertti guodet muhtem diedojt ma dal ælla nåv ájnnasa. Unnedit Diŋgajt majt sån ájggu sárggot kártaj, viertti sån unnedit ållu ienebun gå dat stuorrudak mij le duohtavuodan. Dan diehti sjaddá kártta sárgodum nåv vaj vuoset ednamtjerdav sige álkken dagá­ dum ja unnedum. Jus gehtjada værálda kártav, de ussjol man ålov dat la unne­ dum ja álkken dagádum vaj ålles værál- da sjibmo sjiehttá kárttaj. Symbuvla ja bájno Dat gut galggá kártav sárggot, sån aj dárbaj symbuvlajt ja bájnojt bágoj sad- jáj. Akta unna symbuvlasj máhttá gieht- tot ålov muhtem kártan. Bajnno vas máhttá mujttalit iehtjádav. Kárttaj li sárgodum symbuvla ma giehttu majt iesj- guhtiklágásj symbuvla merkahi. Muhtem symbuvla kártan Muhtem láhkáj le kártta giella, juokkir kuvddagiella. Kártan li ållo smávva sárg- gusa ma giehttu ållo diedojt daj birra ma dåppen gávnnuji. Gå mij galggap kártav låhkåt, de vierttip mij dåbddåt dajt sym- buvlajt ja kuvdajt ma danna gávnnuji. Kartan le aj mierkkidum gånnå nuortas le. Dábálattjat le nuortas kárta badjegietjen. jávrre várre girkko ednamtjerdav ednamtjærdda le makkár luonndo le dåppen ja dåppen, le gus duot- tar jali vuodnaguovllo jali várrebájkke jali vuovddebájkke symbuvlajt symbuvlla le gåvvå jali juokkir ietjá lágásj mærkka kártan