Mij dáppe 1

85 Mij le kártta? Kártta vuoset tjuorgadum oasev ednamis, valla gehtjadum badjes vuolus. Dát oasse le unnedum viehka ålov gå buohtastalá gåk ednamin duodaj le. Kártan le dábálattjat mála mij vuoset luondo stuorrudagáv kárta stuorrudagá æktuj. Buojkuluvisá diehti de máhttá 1 cm kártan årrot 10 metera duohtavuo- da buohta. Jus nav de sjaddá mihttomála 1:1000. Kártta man birra ienemusá dieh- ti le kártta gånnå vuojnnu tjiektjamsalljo. Danna vuojnuji måla ållu tjielggasisjt ja aj ietjá oase dat saljos. Gå galga kártajn barggat, de la vuogas adnet gåvåv viehkken. Dån de máhtá gehtjadit buohtalakkoj gåvå duohtavuo- dav ja kártav. Gehtjada dáv gåvåv mij le váldedum bad­ djet muhtem skåvllåsaljos. Gåvån vuojná buoragijt ma danna lidjin dan bieve gå gåvvå lij váldedum. Sárgom gårobielen mij le kártta, vuoset jurra dav sæmmi. Valla dat vuoset bajásjbielev. Kártan li då­ be, sádduhåre ja balggá ma li sárgodum degu symbuvla ma li kártan. Mij javllap ahte kártta le álgedum. Dasi ep máhte sárggot ulmutjijt jali bijlajt dajna gå da ælla agev årromin danna ja danna. Sige kártta ja gåvvå libá unnedum. Skåvl- låsalljo gal ij lim dán sijdduj sjiehttat jus ij lim unnedum. Kárta bajásjbielle le álu nuortas. mihttomála mihttomála dat vuoset midjij dav sieradusáv mij la gaskan kárta mihto ja mihto duohtavuodan. Buojkulvisá diehti gå mihttomála le 1:1000, de la akta centimeter kártan sæmmi gå 1000 centimetera luondon. 1000 centimeter la ham 10 metera.