Mij dáppe 1

69 Geografija – tjielggit ednamav Geografija le oahppa åvvå værálda birra. Geografija le grehkalsj báhko ja merkaj tjielggit ednamav . Jus galga dádjadit ja tjielggit ednmav, de viertti máhttet ållo ådå bá- gojt ja nammadusájt. Dajt bágojt viertti adnet anon gå ájgo tjielggit ábijt, várijt, jågåjt, jávrijt, ednamijt, stádajt ja bájk- kenamájt. Geografija baktu oahppat gåktus ednam le sjaddam nav- ti gå dat le uddni. Oahppat aj dálkij ja dálkájdagáj birra ja luondo birra. Geografija baktu aj oahppat gånnå ulmutja årru ja gåk sij barggi dåppen gånnå sij årru. ednamtjærdda ednam­ tjærdda, makkár luonndo/ednam le dábálasj dan ja dan guovlon duola degu vuodnabájkke jali duottarbájkke ressursa ábnnasa luon- don ma li ulmutjijda buorren, duola degu gålle, boatsoj, duot dát guolle, vuovdde, silbba jali ruovdde tjielggit ednamav geográfija le tjielggit ednamav ja buohtas­ tahttet bájkijt ja guovlojt­ Gå mij geografijajn barggap, de mij vásstedip gatjálvisájt: • Man allak le várre • Gånnå li stáda ? • Makkár ednamtjærdda le duon jali dán rijkan ? • Manen le ednamtjærdda sjaddam dakkár ? • Gånnå li stuorra jávre ? • Gånnå årru ienemus ulmutja ? • Gåktus bierggiji da ulmutja ? • Makkár ressursa gávnnuji bájken jali rijkan ? • Gånnå li alla váre ?